জনীয়া, ১৬ মে': বৰপেটা জিলাৰ কলগাছিয়াত ভূমি বিবাদক কেন্দ্ৰ কৰি সৃষ্টি হয় তীব্ৰ চাঞ্চল্য (Land dispute in Kalgachia) । কলগাছিয়া ৰাজহ চক্ৰৰ অন্তৰ্গত সাওঁৰাচৰা গাঁৱৰ আনোৱাৰা খাতুন নামৰ মহিলাগৰাকীৰ তিনি বিঘা মাটি বেদখল কৰাৰ অভিযোগ উত্থাপন হৈছে গাঁও প্ৰধানৰ বিৰুদ্ধে । স্থানীয় গাঁও প্ৰধান আব্দুল হাই আৰু সম্পৰ্কীয় ভাতৃ আমছু নেতা ইউচুফ আলীৰ বিৰুদ্ধে উত্থাপিত হৈছে ধন দাবীৰো অভিযোগ (Conflict over land) ।
তথাকথিত আমছু নেতাগৰাকীৰ বিৰুদ্ধে ইয়াৰ পূৰ্বেও বহু সৰু বৰ অভিযোগ উত্থাপন হৈছিল আৰু সংগঠনৰ পৰা নিলম্বনো হৈছিল । তথাপিও শিক্ষা নল'লে নেতাগৰাকীয়ে (Allegations of land encroachment against AAMSU leader) । এইবাৰ এই ধন দাবীৰ ঘটনাত সাঙোৰ খোৱাৰ পিছতেই অঞ্চলজুৰি সৃষ্টি হয় তীব্ৰ উত্তেজনাৰ । উল্লেখযোগ্য যে, সাওঁৰাচৰা গাঁৱৰ কাশেম আলীৰ মৃত্যুৰ পিছত তেওঁৰ তিনি বিঘা মাটিত কন্যা আনোৱাৰা খাতুনক দিছিল পিতৃয়ে আৰু আনোৱাৰা খাতুনৰ ভগ্নী আমিছা খাতুন, কমলা খাতুন, খুদেজা খাতুন আৰু অজুফা খাতুনক উক্ত মাটিৰ উচিত মূল্য দি তেওঁ মাটি তিনি বিঘা কিনি লৈছিল আৰু মাটি খিনিৰ এক ঘৰুৱা দলিল কৰি লৈছিল ।
কিন্তু চৰকাৰৰ বসুন্ধৰা-২ ৰ সুযোগ গ্ৰহণ কৰি আনোৱাৰাৰ চাৰি ভগ্নীয়ে দালালৰ হতুৱাই মাটিডৰাত মৃত্যু নামজাৰি কৰি বেদখল কৰিবলৈ আহে । সেই সুযোগতে গাঁওখনৰ মধ্যভোগী দালাল স্বৰূপ গাঁও প্ৰধান আব্দুল হাই আৰু সম্পৰ্কীয় ভাতৃ তথাকথিত আমছু নেতা ইউছুব আলীয়ে মাটিৰ বিবাদ মিমাংসা কৰি দিয়াৰ নামত নগদ চাৰি লাখ টকা দাবী কৰে বুলি মন্তব্য কৰে ভুক্তভোগীয়ে ।
ইয়াৰ উপৰিও চাৰি ভগ্নীক মাটি বেদখল কৰিবলৈ উচটনি দিয়ে বুলি আনোৱাৰাই অভিযোগ উত্থাপন কৰে । ফলত গাঁও প্ৰধান আৰু আমছু নেতাৰ সহযোগত চাৰি ভগ্নীয়ে আনোৱাৰাৰ খেতি কৰা মাটি বেদখল কৰি মৰাপাটৰ খেতিত বনুৱা লগায় । এই ক্ষেত্ৰত আনোৱাৰা খাতুন বাধা দিয়াত গাঁওবুঢ়াই মাৰপিট কৰিবলৈ উত্ৰাৱল হৈ পৰে ।
ফলত দুই পক্ষৰ মাজত এক উত্তেজনাময় পৰিৱেশৰ সৃষ্টি হয় । এই ঘটনাৰ লগত জড়িত থকা গাঁও প্ৰধান আব্দুল হাই আৰু ভাতৃ তথাকথিত আমছু নেতা ইউছুব আলীৰ বিৰুদ্ধে ইতিমধ্যে কলগাছিয়া থানাৰ অন্তৰ্গত বালিকুৰী উপ চকীত এজাহাৰ দাখিল কৰে ভুক্তভোগীয়ে আৰু ইয়াৰ উচিত তদন্ত কৰি আনোৱাৰাৰ প্ৰাপ্য মাটি আদায় কৰি দিবলৈ বিভাগীয় কৰ্তৃপক্ষক দাবী জনাইছে লগতে দোষীক চিনাক্ত কৰি উচিত শাস্তিৰ দাবী কৰে ভুক্তভোগীৰ লগতে স্থানীয় ৰাইজে ।
লগতে পঢ়ক: SI Junmoni Rabha: বন্দুক ধৰা দুহাতেৰে জোনমণিয়ে মাইক্ৰফোন লৈ জুৰিছিল বিহু
