জনীয়া, 18 ডিচেম্বৰ : বৰপেটা জিলাৰ ৰূপসী উন্নয়ন খণ্ডৰ অন্তৰ্গত ৫৫ নং কলগাছিয়া গাঁও পঞ্চায়তৰ সভাপতি ৰফিক ভূঞাৰ বিৰুদ্ধে পঞ্চায়ত খনৰে ১০ গৰাকী সদস্য-সদস্যাই ১২ দফীয়া অভিযোগৰ ভিত্তিত যোৱা ১৭ আগষ্টত গ্ৰহণ কৰিছিল অনাস্থা প্ৰস্তাৱ । উক্ত অনাস্থা প্ৰস্তাৱৰ ভিত্তিত আজি কলগাছিয়া ৰূপসী খণ্ড উন্নয়ন বিষয়াৰ কাৰ্যালয়ত কলগাছিয়া গাঁও পঞ্চায়ৰ সচিব ছফিউৰ ৰহমানৰ সভাপতিত্বত এখন বিশেষ সভা অনুষ্ঠিত হয় ।
উক্ত সভাৰ অন্তত সভাপতি ৰফিক ভূঞাৰ বিৰুদ্ধে অনা অনাস্থাক ভিত্তি কৰি ১৯৯৪ চনৰ পঞ্চায়ত আইনৰ ১৫ নং ধাৰাৰ অধীনত গণতান্ত্ৰিক পদ্ধতিৰে গোপন বেলটৰ জৰিয়তে ভোট গ্ৰহণ অনুষ্ঠিত হয় । এই ভোটদানত ১০ গৰাকী পঞ্চায়ত সদস্য-সদস্যাই অনাস্থাৰ সপক্ষে ভোট দান কৰিছে বুলি জানিব দিয়ে ৰূপসী আঞ্চলিক সভাপতিয়ে ।
অতি সোনকালে অনাস্থা প্ৰস্তাৱ গৃহীত কৰাৰ বাবে বৰপেটা জিলাৰ উপায়ুক্তক আবেদন কৰে সদস্য-সদস্যাই । এই ক্ষেত্ৰত ১০ গৰাকী সদস্য-সদস্যাই অনা ১২ দফীয়া অভিযোগ ভিত্তিহীন বুলি মন্তব্য কৰে কলগাছিয়া গাঁও পঞ্চায়তৰ নিৰ্বাচিত সভাপতি ৰফিক ভূঞাই ।
লগতে পঢ়ক : গোলাঘাটৰ চিকিৎসালয়ত শূণ্য হ'ল ক'ভিড ৰোগী
