বৰপেটা,28মে': এফালে লক ডাউন আনফালে বানৰ ত্ৰাস ৷ ক্ষতিগ্ৰস্ত হৈছে কৃষক ৰাইজ ৷ ৰাজ্যৰ ভিন্ন প্ৰান্তৰ লগতে বৰপেটাৰ মৈৰামাৰা, ইটাৰভিঠা,কদমগুৰি গাঁৱৰ পথাৰত দেখিবলৈ পোৱা গ'ল এক কৰুণ দৃশ্য ৷ নেৰানেপেৰা বৰষুণৰ ফলত পথাৰত ডুব যোৱা ইৰি ধান আধা পকা অৱস্থাতে কাটিবলৈ বাধ্য হ'ল গাঁও কেইখনৰ প্ৰায় 5 শতাধিক কৃষক ৰাইজে ৷ ইপিনে কৃষক ৰাইজৰ অভিযোগ, একাংশ লোকে পথাৰৰ পৰা পানী ওলাই যোৱা পথসমূহ বন্ধ কৰি দি মাছপোহা পুখুৰী কৰাৰ ফলত প্ৰতিবছৰে অঞ্চলটোৰ কৃষকসকলৰ কৃষিভূমি নষ্ট হ'বলৈ ধৰিছে ৷ ইয়াৰ উপৰিও বৰপেটা-হাউলী পথৰ মাজৰ কদমগুৰিত থকা দলঙৰ দুয়োটা পাৰ বন্ধ কৰি দিয়াৰ ফলত পথাৰৰ পৰা পানী ওলাই যাব নোৱাৰাত ক্ষতিগ্ৰস্ত হৈছে কৃষকসকল ৷ আনহাতে নানা দূৰ্যোগৰ মাজতো কপালৰ ঘাম মাটিত পেলাই ইৰি ধানৰ খেতি কৰা কৃষকসকলে অতি শীঘ্ৰে পথাৰৰ পৰা পানী ওলাই যাবলৈ বিহীত ব্যৱস্থা গ্ৰহণৰ বাবে জিলা প্ৰশাসনক দাবী জনাইছে কৃষক ৰাইজে ৷
আধা পকা অৱস্থাতে কাটিলে ইৰি ধানঃবৰপেটাত কৃষক ৰাইজৰ হাহাকাৰ
একাংশ লোকে পথাৰৰ পৰা পানী ওলাই যোৱা পথসমূহ বন্ধ কৰি দি মাছপোহা পুখুৰী কৰাৰ ফলত প্ৰতিবছৰে অঞ্চলটোৰ কৃষকসকলৰ কৃষিভূমি নষ্ট হ'বলৈ ধৰিছে ৷ ইয়াৰ উপৰিও বৰপেটা-হাউলী পথৰ মাজৰ কদমগুৰিত থকা দলঙৰ দুয়োটা পাৰ বন্ধ কৰি দিয়াৰ ফলত পথাৰৰ পৰা পানী ওলাই যাব নোৱাৰাত ক্ষতিগ্ৰস্ত হৈছে কৃষকসকল ৷
বৰপেটা,28মে': এফালে লক ডাউন আনফালে বানৰ ত্ৰাস ৷ ক্ষতিগ্ৰস্ত হৈছে কৃষক ৰাইজ ৷ ৰাজ্যৰ ভিন্ন প্ৰান্তৰ লগতে বৰপেটাৰ মৈৰামাৰা, ইটাৰভিঠা,কদমগুৰি গাঁৱৰ পথাৰত দেখিবলৈ পোৱা গ'ল এক কৰুণ দৃশ্য ৷ নেৰানেপেৰা বৰষুণৰ ফলত পথাৰত ডুব যোৱা ইৰি ধান আধা পকা অৱস্থাতে কাটিবলৈ বাধ্য হ'ল গাঁও কেইখনৰ প্ৰায় 5 শতাধিক কৃষক ৰাইজে ৷ ইপিনে কৃষক ৰাইজৰ অভিযোগ, একাংশ লোকে পথাৰৰ পৰা পানী ওলাই যোৱা পথসমূহ বন্ধ কৰি দি মাছপোহা পুখুৰী কৰাৰ ফলত প্ৰতিবছৰে অঞ্চলটোৰ কৃষকসকলৰ কৃষিভূমি নষ্ট হ'বলৈ ধৰিছে ৷ ইয়াৰ উপৰিও বৰপেটা-হাউলী পথৰ মাজৰ কদমগুৰিত থকা দলঙৰ দুয়োটা পাৰ বন্ধ কৰি দিয়াৰ ফলত পথাৰৰ পৰা পানী ওলাই যাব নোৱাৰাত ক্ষতিগ্ৰস্ত হৈছে কৃষকসকল ৷ আনহাতে নানা দূৰ্যোগৰ মাজতো কপালৰ ঘাম মাটিত পেলাই ইৰি ধানৰ খেতি কৰা কৃষকসকলে অতি শীঘ্ৰে পথাৰৰ পৰা পানী ওলাই যাবলৈ বিহীত ব্যৱস্থা গ্ৰহণৰ বাবে জিলা প্ৰশাসনক দাবী জনাইছে কৃষক ৰাইজে ৷
