জনীয়া, 18 ছেপ্তেম্বৰ : কলগাছিয়া ৰাজহ চক্ৰৰ অন্তৰ্গত কিচমত মইনবৰী,ঢাকালীয়াপাৰা আৰু ছিকাটাৰীত আই-মানাহ নদীৰ গৰাখহনীয়াই ভয়ানক ৰূপ ধাৰণ কৰিছে । স্থানীয় বিধায়ক তথা প্ৰশাসনে কোনো খবৰ নোলোৱাৰ বাবে স্থানীয় ৰাইজে গছৰ ডাল,বাঁহ আদিৰে খহনীয়া প্ৰতিৰোধৰ চেষ্টা অব্যাহত ৰাখিছে । বাঘবৰৰ সমাজ কৰ্মী ৰাজীৱ আহমেদে খহনীয়া অঞ্চল পৰিদৰ্শন কৰে আৰু ৰাইজৰ খহনীয়া প্ৰতিৰোধৰ প্ৰচেষ্টাক আদৰণি জনায় ৷ লগতে তেওঁ খহনীয়া প্ৰতিৰোধৰ বাবে দহ হাজাৰ টকা স্থানীয় ৰাইজক প্ৰদান কৰে ।
কলগাছিয়াৰ আই-মানাহ নদীত ভয়ংকৰ গৰাখহনীয়া
উল্লেখযোগ্য যে,তিনি মাহৰ ভিতৰত 200 পৰিয়ালৰ লগতে শ শ বিঘা খেতি পথাৰ নদীৰ বুকুত জাহ যোৱাত স্থানীয় ৰাইজে উপায়ন্তৰ হৈ সমূহীয়া প্ৰাৰ্থনা কৰি নদীৰ দুৰ্যোগৰ পৰা ৰক্ষা পাবলৈ কাতৰ নিবেদন কৰে ।
লগতে পঢ়়ক : দৰঙত প্ৰৱঞ্চক আটক
