বৰপেটা, ২১ জুনঃ দুচকীয়া বা চাৰিচকীয়া বাহন নহয়, এইবাৰ ডাম্পাৰ চুৰিৰ ঘটনা সংঘটিত হ'ল বৰপেটা জিলাৰ হাউলীৰ কালঝাৰত ৷ কালঝাৰৰ ৩১ নং ৰাষ্ট্ৰীয় ঘাইপথৰ কাষত থকা মানস ক্ৰেচাৰ মিলৰ সন্মুখৰ পৰা শনিবাৰে নিশা চুৰি হয় AS 01 AC 3035 নম্বৰৰ ডাম্পাৰ এখন ৷ চুৰি হোৱা ডাম্পাৰখনৰ গৰাকীৰ নাম ছুৰুত জামাল ৷ দেওবাৰে পুৱা ডাম্পাৰখন চুৰি হোৱা প্ৰত্যক্ষ কৰি ডাম্পাৰৰ গৰাকী ছুৰুত জামালে হাউলী থানাত এখন এজাহাৰ দাখিল কৰে ৷
আৰক্ষীয়ে চুৰি ডাম্পাৰখনৰ সন্ধানত তদন্ত অব্যাহত ৰাখিছে যদিও বৰ্তমানলৈকে কোনো সন্ধান পোৱা নাই গাড়ীখনৰ ৷ কোনো লোকে গাড়ী খনৰ সম্ভেদ পালে হাউলী আৰক্ষীক অথবা 9859053938 নম্বৰত যোগাযোগ কৰিবলৈ অনুৰোধ জনাইছে গাড়ীখনৰ গৰাকীয়ে ৷
লগতে পঢ়কঃআৰক্ষী,সাংবাদিকক লগত লৈ কণ্ঠশিল্পী ৰিতু বসন্তৰ কৰ'ণা সজাগতা গীত
