বৰপেটা, ২৮ মাৰ্চঃআগন্তুক লোকসভা নিৰ্বাচনৰ বাবে বৰপেটা সমষ্টিত আজিলৈকে ঘোষণা কৰা নাই কংগ্ৰেছ দলৰ প্ৰাৰ্থীৰ নাম ৷ কংগ্ৰেছৰ বহু প্ৰাৰ্থীত্ব প্ৰত্যাশী থকাৰ পিচতো কংগ্ৰেছ হাইকমাণ্ডে প্ৰাৰ্থীৰ নাম ঘোষণা নকৰাক লৈ দলীয় কৰ্মীৰ মাজত সৃষ্টি হৈছে তীব্ৰ প্ৰতিক্ৰিয়াৰ । কংগ্ৰেছ শিবিৰত চলা চৰ্চা অনুসৰি এ আই ইউ ডি এফৰ সৈতে হোৱা গোপন মিত্ৰতাৰ স্বাৰ্থতেই বৰপেটা সমষ্টিৰ প্ৰাৰ্থীৰ নাম ঘোষণা কৰা নাই দলৰ হাইকমাণ্ডে ৷
এআইইউডিএফৰ সৈতে মিত্ৰতাৰ স্বাৰ্থতেই প্ৰাৰ্থীৰ নাম ঘোষণা কৰা নাই কংগ্ৰেছ দলৰ কলিয়াবৰত তৰুণ গগৈৰ পুত্ৰৰ লগতে ভূবনেশ্বৰ কলিতা আৰু কংগ্ৰেছৰ দলীয় প্ৰাৰ্থীসকলক বিজয়ী কৰাৰ স্বাৰ্থত বৰপেটাত দুৰ্বল প্ৰাৰ্থী প্ৰদানেৰে এ আই ইউ ডি এফক বৰপেটা সমষ্টি এৰি দিব বিচাৰিছে বুলিও চৰ্চা চলিছে কংগ্ৰেছ শিবিৰত । এ আই ইউ ডি এফৰ সৈতে কংগ্ৰেছৰ এই গোপন মিত্ৰতাক লৈ বৰপেটাৰ সৰ্বত্ৰে ক্ষোভৰ জুই উদ্গীৰণ হৈছে কংগ্ৰেছ কৰ্মীৰ মাজত। শীৰ্ষ নেতৃত্বই কংগ্ৰেছ কৰ্মীৰ মতামতক উপেক্ষা কৰিলে বৰপেটাত দলত্যাগ কৰাৰ লগতে অগপ প্ৰাৰ্থীক ভোট প্ৰদান কৰাৰ হুংকাৰ বৰপেটা কংগ্ৰেছ কৰ্মীসকলৰ । এ আই ইউ ডি এফৰ সৈতে গোপন মিত্ৰতাৰ সম্ভাৱনাক নাকচ বৰপেটা জিলা কংগ্ৰেছৰ লগতে বৰপেটা আসনখনত জয়লাভ কৰাৰ স্বাৰ্থত শক্তিশালী প্ৰাৰ্থী প্ৰদান কৰাৰ বাবে দাবী জনাই বৰপেটা জিলা কংগ্ৰেছে ।
