জনীয়া, 27 জুন: বৰপেটা জিলাৰ কলগাছিয়া আৰক্ষী থানাৰ অন্তৰ্গত ছিকাটাৰী পাথাৰ গাঁৱত মাছ মৰাক কেন্দ্ৰ কৰি দেওবাৰে প্ৰচণ্ড মাৰপিটৰ ঘটনা সংঘটিত হয়(Clash over fishing in Kalgachia) । দেওবাৰে বিয়লি নুৰ আলীয়ে নিজৰ পট্টাৰ মাটিত জালেৰে মাছ মাৰি থকা অৱস্থাত ছিকাটাৰী পাথাৰ গাঁৱৰ নজৰুল ইছলাম নামৰ ব্যক্তিজনে মাছ মৰাত বাধা প্ৰদান কৰে ৷ ইয়াৰ পাছতে প্ৰথমে দুয়োৰে মাজত তৰ্ক বিতৰ্কৰ সূত্ৰপাত হয় ।
এই তৰ্ক বিতৰ্কক কেন্দ্ৰ কৰি প্ৰতিপক্ষ নজৰুল ইছলামৰ নেতৃত্বত নবিৰ উদ্দিন, নুৰ ইছলাম, আজিবৰ ৰহমান, মগৰব আলী, নৌসাদ আলী, ছাইদুল ইছলাম আৰু মহম্মদ আলীয়ে হাতে হাতে লাঠী লৈ নুৰ আলমক আগুচি ধৰি লাঠিৰে আক্ৰমণ কৰে ৷ এই আক্ৰমণত নুৰ আলী গুৰুত্বৰভাৱে আহত হয় ।
আক্ৰমণৰ ঘটনাটো প্ৰত্যক্ষ কৰি নুৰ আলমৰ আত্মীয় ক্ৰমে ৰহিজ উদ্দিন, ওহিয়া খাতুন, আজিবৰ ৰহমান, ভতিজা ছোৱালী আৰু ৰোহিতন নেচাই আগবাঢ়ি যায় যদিও প্ৰতিপক্ষই আক্রমণ কৰি আটাইকে ৰক্তাক্ত কৰি পেলায় । তেওঁলোকে পৰিয়ালটোক মাৰি পেলোৱাৰো ভাবুকি দিয়ে । পিছমুহূৰ্তত ৰাইজে ততাতৈয়াকৈ আটাইকে কলগাছিয়াৰ বৰপেটা অসামৰিক চিকিৎসালয়ত ভৰ্তি কৰায় ৷
আহতসকলৰ চাৰিজনৰ অৱস্থা সংকজনক বুলি জানিব পৰা হৈছে । ভুক্তভোগীৰ পৰিয়ালটোৱে ন্যায় বিচাৰি দেওবাৰে নিশা কলগাছিয়া আৰক্ষী থানাত ঘটনা সন্দৰ্ভত এখন এজাহাৰ দাখিল কৰিছে(kalgachia police station) ।
লগতে পঢ়ক : 50 হাজাৰ টকা চুৰ কৰি ৰঙাঘৰত সোমাল বীৰেন্দ্ৰ-ঋষি
