বৰপেটা, ১৩ নৱেম্বৰ : ১৪ নৱেম্বৰত দেশজুৰি পালন কৰা হ’ব শিশু দিৱস ৷ শিশু দিৱস উপলক্ষে বৰপেটাৰ শিক্ষা বিভাগৰ বিষয়া কৰ্মচাৰীসকলে জিলা পুথিভঁৰাল প্ৰেক্ষাগৃহত আয়োজন কৰিছে ওমলা বেলিৰ ৰং শীৰ্ষত এখন নাট ৷
কৰ’ণা মহামাৰী আৰু লকডাউনে কঢ়িয়াই অনা ভয়াৱহ সংকট, অনলাইন শিক্ষা আৰু দুখীয়া ছাত্ৰ ছাত্ৰীসকলৰ এনড্ৰয়েড মোবাইলৰ সমস্যাসমূহক লৈ মঞ্চস্থ কৰা হ’ব নাটখন ৷
বৰপেটাত শিশু দিৱসত মঞ্চস্থ হ’ব 'ওমলা বেলিৰ ৰং'
প্ৰশান্তজ্যোতি দাসৰ ৰচনা আৰু সত্যেন দাসৰ পৰিচালনাৰে সন্ধিয়া ৫ বজাত মঞ্চস্থ কৰিবলৈ লোৱা নাটখনৰ বৰ্তমান আখৰা চলি আছে ৷
সাম্প্ৰতিক সময়ৰ সংকট আৰু সমস্যাক সমাজৰ আগত তুলি ধৰাৰ বাবে বৰপেটাৰ শিক্ষা বিভাগৰ কৰ্মচাৰীসকলে এই অভিনৱ প্ৰয়াসৰ সহযোগী হ’বলৈ আৰু নাটখন উপভোগ কৰিবলৈ ৰাইজলৈ আহ্বান জনাইছে নাটখনৰ সৈতে জড়িত শিল্পীসকলে ৷
লগতে পঢ়ক : গৰুখুটিৰ বেদখল চলোৱাৰ কথা নিজেই কৰিলে স্বীকাৰ বেদখলকাৰীয়ে
