বৰপেটা, ২৩ ডিচেম্বৰ: কবিতা মানেই নিজক খন্দা - বৰপেটাত ধ্ৰুৱজ্য়োতি দাসৰ 'টাকুৰীটো ঘূৰে বাবে' কাব্যগ্ৰন্থ উন্মোচন কৰি এই মন্তব্য প্ৰকাশ কৰে বিশিষ্ট কবি নীলিম কুমাৰে(Noted poet Neelam Kumar) । বৰপেটাত বিনীতা বৰা দেৱচৌধুৰী, অক্ষয় কুমাৰ মিশ্ৰ, ড৹ বিৰিঞ্চি কুমাৰ দাসকে ধৰি কেবাগৰাকীও বিশিষ্ট লেখকৰ উপস্থিতিত উন্মোচন কৰা হয় ধ্ৰুৱজ্যোতি দাসৰ 'টাকুৰীটো ঘূৰে বাবে' কাব্য গ্ৰন্থখনি(Book release program in Barpeta) ।
হুইল চেয়াৰখনকে সংগী কৰি জীৱনক প্ৰত্যাহ্বান হিচাপে গ্ৰহণ কৰি ৰাজ্যৰ নৱ-প্ৰজন্মৰ এগৰাকী সম্ভাৱনাময় লেখক হিচাপে আত্মপ্ৰকাশ কৰা ধ্ৰুৱজ্যোতি দাসৰ কাব্যগ্ৰন্থখন প্ৰকৃততে এখন কাব্যগ্ৰন্থ আৰু গ্ৰন্থখন সকলোৱে আকোৱালি ল'ব বুলি আশা ব্যক্ত কৰে কবি নীলিম কুমাৰে ৷ ইফালে ৰাজ্যত লেখকৰ সংখ্যা বৃদ্ধি হোৱাৰ বাবেই পাঠকৰ সংখ্যা হ্ৰাস পোৱা বুলি মন্তব্য নীলিম কুমাৰৰ ৷
অৱশ্যে লেখকৰ সংখ্যা বাঢ়িছে যদিও কাব্যবোধ বা সাহিত্যৰ বোধ নোহোৱাৰ বাবেই বহুতেই কি লিখিব লাগে তাকেই নাজানে বুলিও প্ৰকাশ কৰে বিশিষ্ট কবিগৰাকীয়ে ৷ এই বোধৰ জন্ম হ'লেই পাঠকৰ সংখ্যাও বৃদ্ধি পাব বুলি মন্তব্য নীলিম কুমাৰৰ ৷ সাহিত্যক সময়ৰ সাক্ষী বুলি উল্লেখ কৰি সাহিত্যৰ জৰিয়তে সময়ক ধৰি ৰাখিব লাগিব বুলিও তেওঁ মনৰ ভাব প্ৰকাশ কৰে ৷ এজন লিখকৰ লেখাত মানুহৰ সমাজ, সময় আৰু জীৱনচৰ্যা প্ৰতিফলিত হ’ব লাগিব বুলিও তেওঁ মন্তব্য কৰে ৷
লগতে পঢ়ক: Asam Sahitya Sabha executive meeting : অসম সাহিত্য সভাৰ নিৰ্বাচনৰ ভোটগণনা আৰম্ভ
