বৰপেটা, 14 এপ্ৰিল : ৰাজ্যত সম্প্ৰতি ৰঙালী বিহুৰ উপথপ (Rongali Bihu celebration begins in Assam) ৷ আজি গৰু বিহু ৷ এই বিহুৰ বতৰতে মূৰত গামোচা মাৰি বিহুৰ সাজত দেখিবলৈ পোৱা গ’ল বলিউডৰ বাদশ্বাহ শ্বাহৰুখ খানক ৷
লগতে মোহময়ী অভিনেত্ৰী মাধুৰী দিক্ষিত, আলিয়া ভাট অথবা দিপিকা পাড়ুকনকো দেখা গ’ল খোপাত কপৌ ফুল লৈ মুগা-ৰিহা সাজ পিন্ধি বিহু নাচনীৰ সাজত ৷
অকল বলিউডৰ ষ্টাৰ সকলহে নে ! নহয়, এয়া চাওক, ক্ৰিকেটাৰ বিৰাট কোহলি, মহেন্দ্ৰ সিং ধোনীৰ দেহতো বিহুৰ সাজ ৷
বলিউদৰ চুপাৰষ্টাৰসকলৰ লগতে ক্ৰিকেট জগতৰ মহান তাৰকা সকলক এইদৰেই বিহুৱা-বিহুৱতীৰ সাজত তুলি ধৰিছে অসমৰ এজন প্ৰতিভাৱান যুৱ শিল্পী এগৰাকীয়ে ৷
বাস্তৱত নহ'লেও ৰং তুলিকাৰে বহুতৰ নয়নৰ মণি বলিউড আৰু ক্ৰিকেটৰ তাৰকা শিল্পী সকলক বিহুৱা বিহুৱতীৰ ৰূপত অংকন কৰা বৰপেটাৰ এই শিল্পীগৰাকীৰ নাম নিৰ্জুৰাজ দাস ৷
বিগত এবছৰ ধৰি নিৰ্জুৰাজ দাসে বলিউডৰ তাৰকা শিল্পীসকলৰ লগতে ক্ৰিকেটজগতৰ মহাৰথীসকলক এনেদৰে অসমীয়া সাজত অংকনৰ প্ৰয়াস চলাই আহিছে যুৱ শিল্পী নিৰ্জুৰাজ দাসে ৷
চিত্ৰশিল্পী নিৰ্জুৰাজ দাসে বিহুৱা বিহুৱতীৰ সাজত দেশৰ মহান তাৰকাসকলক তুলিকাৰে অংকন কৰি জীৱন্ত ৰূপ দিয়াৰ প্ৰচেষ্টা নিঃসন্দেহে আদৰণীয় ৷
উল্লেখ্য যে, বিগত বছৰত লক ডাউনৰ সময়ছোৱাত জুইৰে কেইবাখনো চিত্ৰ অংকন কৰি চিত্ৰ ৰসিকৰ পৰা প্ৰশংসিত হোৱাৰ লগতে অসম বুক অৱ ইয়েৰত নাম অন্তৰ্ভুক্ত কৰিবলৈ সক্ষম হৈছিল চিত্ৰশিল্পীগৰাকীয়ে ৷
লগতে পঢ়ক : মৰিগাঁৱৰ ঐতিহাসিক চাৰণ বিলত পৰম্পৰাগভাৱে পালন গৰু বিহু
