জনীয়া, 14 মে’: আজি পৱিত্ৰ ঈদ-উল-ফিটৰ । এই পৱিত্ৰ ঈদ-উল-ফিটৰৰ দিনাই খৰিচালা বজাৰত ভাঙসহ আটক হৈছে এজন ব্যক্তি ৷
অভিযোগ অনুসৰি, খৰিচালা বজাৰত মুকলিকৈ বিক্ৰী হৈ থাকে ভাং । পূৰ্ৱতে একাংশ যুৱকে ভাং কিনি থকাৰ সমগ্ৰ দৃশ্য ভাইৰেল কৰিছিল সামাজিক মাধ্যমত । উল্লেখ্য যে, এই সম্পৰ্কে সৰভোগ আৰক্ষী থানাত অৱগত কৰাৰ পিছতো কোনো গুৰুত্ব প্ৰদান কৰা নাছিল প্ৰশাসনে ।
কলগাছিয়াৰ খৰিচালা বজাৰত মুকলিকৈ বিক্ৰী ভাং
ইয়াৰ পৰৱৰ্তী সময়ত একাংশ সংবাদ মাধ্যমত বাতৰি সম্প্ৰচাৰ হোৱাৰ পিছতেই সৰভোগ আৰক্ষীয়ে অভিযান চলাই প্ৰায় 4.5 কেজি ভাং জব্দ কৰাৰ লগতে এজনক হাতে লোটে আটক কৰে । সৰভোগ আৰক্ষীয়ে ভাং বিক্ৰী কৰা ব্যক্তিক আটক কৰাত স্বস্তিৰ নিশ্বাস কাঢ়িছে খৰিচালাবাসী ৰাইজে ।
লগতে পঢ়ক: ভাৰতৰ ভেকচিন পৰিকল্পনাত লাগিল আউল : চীনে বাংলাদেশক দিলে ঈদৰ উপহাৰ
