বৰপেটা, 30 ডিচেম্বৰঃ বৰপেটাৰ বাঘবৰত বন বিভাগৰ অভিযান ৷ ৰঙিয়া বন সংমণ্ডল আৰু বৰপেটাৰোড বনাঞ্চলিক বিষয়াৰ নেতৃত্বত বাঘবৰত চলিছিল চোৰাং কাঠৰ বিৰুদ্ধে অভিযান ৷ এই অভিযানত বাঘবৰ বজাৰৰ কেবাখনো দোকানৰ পৰা বন বিভাগে জব্দ কৰে প্ৰায় তিনি লক্ষাধিক টকাৰ চোৰাং কাঠ ৷
চোৰাং কাঠ জব্দ
বৰপেটা খণ্ড বন বিষয়া কাৰ্যালয়ৰ বিষয়া কৰ্মচাৰী আৰু আৰক্ষী-চিআৰপিএফ জোনানৰ সহযোগত চলোৱা হৈছিল এই অভিযান ৷ অৱশ্যে অভিযানৰ পূৰ্বে চোৰাং কাঠ ব্যৱসায়ীসকলে পলায়ন কৰাৰ ফলত কোনো লোক আটক কৰিব নোৱাৰিলে বন বিভাগে ৷ উল্লেখ্য যে, বৰপেটাৰ ব্ৰহ্মপুত্ৰ নদীপথেৰে দক্ষিণ কামৰূপ বনাঞ্চলৰ পৰা সৰবৰাহ কৰা চোৰাং কাঠেৰে বাঘবৰত গঢ়ি উঠিছে চোৰাং কাঠৰ এখন বৃহৎ বজাৰ ৷
লগতে পঢ়কঃ প্ৰধানমন্ত্ৰীৰ চৰকাৰী বাসগৃহত অগ্নিকাণ্ড
