বৰপেটা,১৭ মাৰ্চ: বৰপেটা জিলাত বুধবাৰৰ দিনটোত ৫ গৰাকী প্ৰাৰ্থীয়ে দাখিল কৰে মনোনয়ন পত্ৰ ৷ অগপ, চিপিআইএমৰ প্ৰাৰ্থীৰ লগতে দুগৰাকী নিৰ্দলীয় প্ৰাৰ্থীয়ে মনোনয়ন পত্ৰ দাখিল কৰে ।
৪০ নং সৰভোগ বিধানসভা সমষ্টিৰ পৰা চিপিআই এমৰ প্ৰাৰ্থী মনোৰঞ্জন তালুকদাৰে মনোনয়ন পত্ৰ দাখিল কৰে ।
সমান্তৰালকৈ ৪৩ নং বৰপেটা সমষ্টিৰ বাবে অগপ প্ৰাৰ্থী গুণীন্দ্ৰ নাথ দাস, ৪৭ নং চেঙা সমষ্টিৰ বাবে অগপ প্ৰাৰ্থী ৰবিউল হুছেইনে মনোনয়ন দাখিল কৰে ।
আনহাতে, ৪৬ নং সৰুক্ষেত্ৰী সমষ্টিৰ বাবে নিৰ্দলীয় প্ৰাৰ্থী বিনোদ আলী আৰু ৪৭ নং চেঙা সমষ্টিৰ বাবে নুৰুল আমিনে নিৰ্দলীয় প্ৰাৰ্থী হিচাপে মনোনয়ন দাখিল কৰে ৷ ইয়াৰ পূৰ্বে বিগত দুটা দিনত ৫ গৰাকী প্ৰাৰ্থীয়ে মনোনয়ন দাখিল কৰাৰ পিছত বৰ্তমানলৈ ১০ গৰাকীয়ে মনোনয়ন দাখিল কৰে ৷
