বৰপেটা,15 মেঃ ধাৰাবাহিকভাবে ঘোষণা কৰা লকডাউনে ৰাজ্যৰ বিভিন্ন ক্ষেত্ৰৰ দৈনিক উপাৰ্জনকাৰী সকলৰ বাবে তীব্ৰ সংকট কঢ়িয়াই আনিছে । সামন্তৰালকৈ, নাপিত বৃত্তিৰ সৈতে জড়িত লোকসকলৰ জীৱনলৈও তীব্ৰ ভাবুকি আহি পৰিছে । ৰাজ্যৰ অন্যান্য প্ৰান্তৰ দৰে বৰপেটা জিলাৰ খংৰা, বৰভিঠা, বহৰি, চেনিমাৰী, চেঙা আদি অঞ্চলৰ অৰ্ধশতাধিক নাপিতে এতিয়া আৰ্থিক সংকটত পৰি হাহাকাৰ কৰিবলগীয়া হৈছে ।
সাহাৰ্য বিচাৰি ৰাজপথলৈ ওলাই আহিল অৰ্ধশতাধিক নাপিত
উল্লেখ্য যে, শুকুৰবাৰে আৰ্থিক সংকটত পৰা বৰপেটা জিলাৰ খংৰাৰ অৰ্ধশতাধিক নাপিতে ৰাজপথলৈ ওলাই আহি চৰকাৰৰ ওচৰত সহায় বিচাৰে । দৈনিক উপাৰ্জনেৰে পৰিয়াল পোহপাল দিয়া নাপিতসকলক আৰ্থিক সকাহ দিবলৈ চৰকাৰলৈ দাবী জনাইছে অঞ্চলটোৰ সচেতন লোকসকলেও ।
লগতে পঢ়ক-কলিয়াবৰত হেৰ'ইন সহ আটক দুজন
