পাাটছাৰকুছি, 17 জুনঃ ৰাজ্যত বাট-পথৰ দুৰৱস্থাই উদঙাই দিছে উন্নয়নৰ প্ৰকৃত স্বৰূপ । যাৰ ফলত দৈনিক যাতায়তৰ ক্ষেত্ৰত নৰক যন্ত্ৰণা ভুগিবলগীয়া সৰ্বসাধাৰণ ৰাইজে । জনপ্ৰতিনিধিৰ চৰম অৱহেলাৰ বাবে যাতায়তৰ ক্ষেত্ৰত অতিষ্ঠ হৈ ৰাজ্যৰ বিভিন্ন স্থানত নিজেই পথ নিৰ্মাণ কৰাত নামিছে ৰাইজ ।
বৰপেটা জিলাৰ সৰুক্ষেত্ৰী সমষ্টিৰ অন্তৰ্গত ৩৫ নং উত্তৰ বেতবাৰী গাঁও পঞ্চায়তৰ অধীনৰ উত্তৰ কালজাৰ গাঁওখনৰ মাজেৰে পাৰহৈ যোৱা হাউলী নগৰ সংযোগী পথছোৱা স্বাধীনতাৰ ৭২ বছৰ পাচতো আজিলৈকে পকীকৰণ নহ'ল । আনকি মেৰামতিৰ নামতো আজিলৈকে একোৱেই নকৰিলে বিধায়ক কিম্বা কোনো পঞ্চায়ত প্ৰতিনিধিয়ে । ফলত সামান্য বৰষুণ ফলতেই পথছোৱা হৈ পৰে যাতায়তৰ বাবে অসম্ভৱ । একাঠু বোকাৰ মাজেৰে যাতায়ত কৰিবলগীয়া হয় ৰাইজে । ফলত এতিয়া গাঁওখনৰ ৰাইজে নিজৰ পথ নিজেই নিৰ্মাণ কৰাত ব্যস্ত হৈ পৰা পৰিলক্ষিত হৈছে । লগতে নিৰ্বাচনৰ সময়ত ভোট ভিক্ষা কৰিবলৈ অহা জনপ্ৰতিনিধিক পহু খেদা দিয়াৰো হুংকাৰ দিয়ে স্থানীয় ৰাইজে ।
