বৰপেটা ১৯ এপ্ৰিলঃ 23 এপ্ৰিলত বৰপেটা লোকসভা সমষ্টিৰ বাবে অনুষ্ঠিত হ'ব ভোটগ্ৰহণ ৷ সমষ্টিটো দখলৰ বাবে তৎপৰতা অব্যাহত ৰাখিছে দল দথা প্ৰাৰ্থীসকলে ৷ বৃহস্পতিবাৰে জনিয়া বিধানসভা সমষ্টিৰ জনতাত এআইইউডিএফৰ এখন নিৰ্বাচনী সভা অনুষ্ঠিত হয় ৷
বৰপেটাত এআইইউডিএফৰ নিৰ্বাচনী সভা
সভাত অংশগ্ৰহণ কৰি ডঃ হাফিজ ৰফিকুলৰ হৈ নিৰ্বাচনী প্ৰচাৰ চলায় নাওবৈচা সমষ্টিৰ বিধায়ক মামুন ইমদাদুল হক চৌধুৰীয়ে ৷ চৌধুৰীয়ে ভাষণ প্ৰসংগত কংগ্ৰেছ আৰু বিজেপিক তুলাধূনা দিয়াৰ উপৰিও মিত্ৰজোঁটৰ প্ৰাৰ্থী কুমাৰ দীপক দাসক জিকাবলৈ আব্দুল খালেকে কংগ্ৰেছৰ প্ৰাৰ্থিত্ব লৈছে বুলি অভিযোগ কৰে ৷ লগতে এ আই ইউ ডি এফে প্ৰাৰ্থিত্ব আগবঢ়োৱা তিনিখন আসনেই পাব বুলি দাবী কৰে মামুন ইমদাদুলে ৷
