বৰপেটাত অনুষ্ঠিত অগপৰ বৃহৎ সাংগঠনিক সভা

মুলত লোকসভা নিৰ্বাচনত দলটোৰ স্থিতি কি হ'ব সেই বিষয়ে সভাত আলোচনাত মিলিত হয় দলটোৰ কৰ্মীসকল ৷

বৰপেটা, 7 মাৰ্চঃ বৰপেটা লোকসভা সমষ্টিভিত্তিক অসম গন পৰিষদ দলে অনুষ্ঠিত কৰে এক বৃহৎ সাংগঠনিক সভা ৷ আগন্তুক লোকসভা নিৰ্বাচনক লৈ দলটোৱে সমষ্টিটোৰ সকলো বিধানসভা সমষ্টিৰ লগতে মহকুমাভিত্তিক আয়োজন কৰে এই সভা ৷

অগপৰ সাংগঠনিক সভা

অগপৰ বৰপেটা, বজালী, বঙাইগাঁও, উত্তৰ শালমাৰা, বিজনী, নলবাৰী আৰু মানিকপুৰ জিলা সমিতিয়ে অংশগ্ৰহণ কৰা সভাখনত উপস্থিত থাকে অগপৰ বহুকেইগৰাকী নেতা ৷ অতুল বৰা, কেশৱ মহন্ত, ফনীভূষণ চৌধুৰী, ভূপেন ৰয়, কুমাৰদীপক দাসকে ধৰি গুনীন নাথ দাসে অংশগ্ৰহণ কৰে ৷

মুলত লোকসভা নিৰ্বাচনত দলটোৰ স্থিতি কি হ'ব সেই বিষয়ে সভাত আলোচনাত মিলিত হয় দলটোৰ কৰ্মীসকল ৷ ইতিমধ্যে দলটোৱে নিৰ্বাচনী ৰণকৌশলৰ বাবে এখন কমিতি গঠন কৰিছে আৰু সেই কমিতিয়ে দলটোৰ নিৰ্বাচনী স্থিতি স্পষ্ঠ কৰিব বুলি দলটোৰ সভাপতি অতুল বৰা তথা জ্যেষ্ঠ নেতা কেশৱ মহন্তই প্ৰকাশ কৰিছে ৷ বৃহস্পতিবাৰে অনুষ্ঠিত হোৱা সভাত জিলা কমিতিসমূহৰ মতামত লোৱাৰ পিচতেই দলটোৱে বুথ কমিটিৰ সৈতে আলোচনাত মিলিত হ'ব ৷ আনহাতে বিজেপিৰে সৈতে মিত্ৰতা সন্দৰ্ভত কোনোধৰণৰ কথা প্ৰকাশৰ পৰাই বিৰত থাকে দলটোৰ শীৰ্ষ নেতৃত্ব ৷