কলগাছিয়াৰ খণ্ড উন্নয়ন বিষয়াৰ কাৰ্যালয়ত অনুপস্থিত কৰ্মচাৰী

মঙলবাৰে পুৱা ১০-৩০ বজাতো কাৰ্যালয়ত উপস্থিত নহ'ল কলগাছিয়াৰ ৰূপসী উন্নয়ন খণ্ড কাৰ্যালয়ৰ এগৰাকীও বিষয়া কৰ্মচাৰী । এজন তৃতীয় আৰু চতুৰ্থ বৰ্গৰ কৰ্মচাৰীৰ বাহিৰে মঙলবাৰে কাৰ্যালয়ত উপস্থিত নাই কোনো বিষয়া-কৰ্মচাৰী।

বৰপেটা, 27 আগষ্টঃ কলগাছিয়াৰ ৰূপসী খণ্ড উন্নয়ন বিষয়াৰ কাৰ্যালয়ত মঙলবাৰে পুৱা 10.30 বজা পৰ্যন্ত উপস্থিত নহ'ল এগৰাকীও বিষয়া কৰ্মচাৰী ৷ ছামছুল হক নামৰ এগৰাকী তৃতীয় বৰ্গৰ কৰ্মচাৰী আৰু বাছেৰ আলী নামৰ চতুৰ্থ বৰ্গৰ কৰ্মচাৰীৰ বাহিৰে কাৰ্যালয়ত উপস্থিত নহ'ল কোনো এগৰাকী কৰ্মচাৰী।

এনে অনিয়মীয়া উপস্থিতিৰ বাবে দীৰ্ঘদিনৰ পৰাই হাৰাশাস্তিৰ সন্মুখীন হৈছে সৰ্ব সাধাৰণ ৰাইজ । আনহাতে ভুক্তভোগী ৰাইজে এই ক্ষেত্ৰত বিহিত ব্যৱস্থা গ্ৰহণৰ দাবী জনাইছে কৰ্তৃপক্ষক । অৱশ্যে একাংশ কৰ্মচাৰী এন আৰ চিৰ কামত নিয়োজিত হৈ থকা বুলিও জানিবলৈ দিয়ে বিষয়া সকলে৷