বৰপেটা, 23 জুলাই: বোকাত পদুম ফুলে ৷ এই আপ্তবাক্যশাৰীকে পুনৰ এবাৰ প্ৰমাণ কৰি দেখুৱালে কৃষাংগী কাশ্যপে ৷ অধ্যয়ন আৰু মেধাই দৰিদ্ৰতাকো ছেৰ পেলালে ৷ বৰপেটাৰ এইগৰাকী মেধাৱী ছাত্ৰী কৃশাংগী কাশ্যপে সৰ্বভাৰতীয় পৰীক্ষাত উত্তীৰ্ণ হৈ আই আই টি ইন্দোৰত জ্যোতিৰ্বিজ্ঞান বিষয়ত অধ্যয়নৰ বাবে নিৰ্বাচিত হৈছে (Assam girl selected to study astronomy) ৷
ছপাশালত ডিটিপি অপাৰেটৰ হিচাপে কাম কৰি পৰিয়াল পোহপাল দিয়া বৰপেটাৰ হিতেশ শৰ্মাৰ কন্যা কৃশাংগী কাশ্যপ ৷ এতিয়া কৃশাংগীৰ এনে সফলতাত উৎফুল্লিত হৈছে অঞ্চলবাসী ৷
কিন্তু দুৰ্ভাগ্যৱশতঃ কৃশাংগীৰ পঢ়াৰ খৰচ বহন কৰিবলৈ ঘৰৰ পৰা দিব পৰা নাই পৰ্যাপ্ত ধন ৷ যেনে তেনে পৰিয়ালটো পোহ পাল দি থকা কৃশাংগীৰ পিতৃৰ হাতত নাই বাহিৰত পঢ়ুৱাব পৰা ক্ষমতা ৷ উপায়ন্তৰ হৈ কৃশাংগীয়ে আজি আছুৰ সাংগঠনিক সম্পাদক কৃষ্ণকান্ত দাসক সকলো কথা বিৱৰি কয় ৷ তেওঁ ছাত্ৰীগৰাকীক আছুৰ মুখ্য উপদেষ্টা ড0 সমুজ্জ্বল ভট্টাচাৰ্যৰ লগত এই বিষয়ত কথা পাতিবলৈ উপদেশ দিয়ে ৷ আছুৰ উপদেষ্টাগৰাকীৰ পৰামৰ্শ মৰ্মে আছুৱে কৃশাংগীৰ সকলো পঢ়াৰ খৰচ বহন কৰিবলৈ আগবাঢ়ি আহে (AASU took responsibility for Krishangi Kashyap study)৷
উল্লেখ্য যে, কৃশাংগীৰ পিতৃ হিতেশ শৰ্মা বিগত দুবছৰ ধৰি কৰ্কট ৰোগত আক্ৰান্ত হৈ থাকিও পৰিয়াল পোহপাল দিয়াৰ বাবে আজিও কঠোৰ শ্ৰম কৰিব লগা হৈছে ৷ ইতিমধ্যে আছুৱে প্ৰথম কিস্তি হিচাপে নামভৰ্তিৰ বাবদ 65 হাজাৰ টকাৰ চেক আগবঢ়াইছে ৷ আছুৰ এই আৰ্থিক সহাৰিক শ্ৰদ্ধা জনাই কৃশাংগী কাশ্যপে কৃতজ্ঞতা জ্ঞাপন কৰে ৷
লগতে পঢ়ক :Gauhati University: ফলাফল ঘোষণা সন্দৰ্ভত আছুৰ দাবী মানি ল'লে গুৱাহাটী বিশ্ববিদ্যালয় কৰ্তৃপক্ষই
