বৰপেটা, 25 জুলাই : সোণাৰিৰ ঘটনাৰ পিছত পুনৰ ঋণগ্ৰস্থ হৈ আত্মহত্যাৰ ঘটনা সংঘটিত হৈছে বৰপেটাত ৷ বৰপেটা-পাটবাউসী সংযোগী নখান্দা-দলঙৰ পৰা মঙলবাৰে নিশা নৈত জাপ দি আত্মহত্যা কৰিছিল বৰপেটা চহৰৰ বৃন্দাবনীহাটৰ প্ৰসন্ন দাসৰ পুত্ৰ হৰেকুমাৰ দাসে ৷ বৃহস্পতি বাৰে মন্দিয়াৰ ভেলেঙী নদীত উপঙি থকা অৱস্থাত উদ্ধাৰ হয় যুৱকজনৰ মৃতদেহ ৷ ঋণগ্ৰস্থ হৈ আত্মহত্যাৰ পথ বাচি লোৱা যুৱকজনৰ মৃতদেহটো আজি নৈত উপঙি থকা অৱস্থাত চিনাক্ত কৰে পৰিয়ালৰ লোকে ৷ ইতিমধ্যে মৃতদেহটো উদ্ধাৰ কৰি বৰপেটা মেডিকেল কলেজলৈ প্ৰেৰণ কৰে মন্দিয়া আৰক্ষীয়ে ৷
বৰপেটাত ঋণগ্ৰস্থ হৈ আত্মহত্যা এজন যুৱকৰ
