জনীয়া, 22 আগষ্ট : বৰপেটাত আটক হৈছে সাত জনীয়া গভাইত চোৰৰ দল ৷ যোৱা কিছুদিন পূৰ্বে বৰপেটাৰ সোণকুছি এটা ঘৰত সংঘটিত হৈছিল চুৰি কাৰ্য । ঘৰৰ মালিকে দিয়া গোচৰৰ ভিত্তিত বৰপেটা সদৰ থানাৰ আৰক্ষীয়ে বৰপেটা মেডিকেল কলেজৰ ওচৰৰ পৰা উক্ত চুৰি কাৰ্যত জড়িত থকা দুজন চোৰ আটক কৰে। পাচত আটকাধীন চোৰ দুজনৰ স্বীকাৰোক্তিৰ ভিত্তিত বৰপেটা সদৰ থানাৰ আৰক্ষীয়ে কলগাছিয়া আৰক্ষীৰ সহযোগত অভিযান চলাই শুকুৰবাৰে নিশা ১১ বজাত গুনিয়ালগুৰি গাঁৱৰ আব্দুল কৰিমৰ ঘৰত খাপ পিটি থকা অৱস্থাত আৰু পাঁচ জন গভাইত চোৰ আটক কৰিবলৈ সক্ষম হয়।
আৰক্ষীয়ে মুঠ সাতজন চোৰ আটক কৰে যদিও দলটোৰ এজন চোৰ আন্ধাৰৰ সুযোগ লৈ পলায়ন কৰে । আৰক্ষীৰ দলটোৱে চুৰি হোৱা সামগ্ৰী সহ Inverter set, চুৰি কাৰ্যত ব্যৱহৃত সঁজুলিৰ লগতে AS 15 E 6213 নম্বৰৰ এখন বাজাজ ডিস্ক’ভাৰ, AS 15 M 7565 নম্বৰৰ এখন য়াম্মাহা, AS 15 D 6906 নম্বৰৰ এখন আপাচী আৰু আন এখন নম্বৰ প্লেটবিহীন আপাচীসহ মুঠ চাৰিখন বাইক উদ্ধাৰ কৰে ।
ধৃত চোৰ কেইজন বৰপেটা জিলাৰ গুনিয়ালগুৰি গাঁৱৰ মাহমুদুৰ ৰহমান, মনাকোছা গাঁৱৰ মহিদুল ইছলাম, হালধীয়া গাঁৱৰ ৰচিদুল ইছলাম, বৰপেটা মেডিকেল কলেজৰ ওচৰৰ শ্বহিদুল ইছলাম, ছানিদুল ইছলাম, বঙাইগাঁও জিলাৰ গোলাপাৰা ৩ নম্বৰ ওৱাৰ্ডৰ সামেজ উদ্দিন আৰু বাকসা জিলাৰ তেলিপাৰা গাঁৱৰ ছফিকুল আলী বুলি জানিব পৰা গৈছে । বৰপেটা আৰু কলগাছিয়া আৰক্ষীৰ এনে বৃহৎ সাফল্যত ৰাইজে সন্তোষ প্ৰকাশ কৰিছে ।
লগতে পঢ়ক : পাকিস্তানৰ পতাকা জ্বলালে আমছুৱে
