তামুলপুৰত ইউ পি পি এলৰ কাৰ্যালয়ত অগ্নিসংযোগ

তামুলপুৰৰ মটঙা চ'কত কোকৰাঝাৰ সমষ্টিৰ ইউ পি পি এল প্ৰাৰ্থী ইউ জি ব্ৰহ্মৰ প্ৰচাৰৰ বাবে এই কাৰ্যালয়টো স্থাপন কৰা হৈছিল ৷ কিন্তু বুধবাৰে নিশা 10.55 মান বজাত কাৰ্যালয়টোত একাংশ স্থানীয় যুৱকে জুই প্ৰত্যক্ষ কৰে ৷ পাচত ঘটনাস্থলীত আৰক্ষী আৰু ইউ পি পি এলৰ স্থানীয় নেতৃত্ব উপস্থিত হয় ৷

বাক্সা, 11 এপ্ৰিলঃ বুধবাৰে নিশা বাক্সাৰ তামুলপুৰত ইউ পি পি এল দলৰ এটা নিৰ্বাচনী কাৰ্যালয়ত দুৰ্বৃত্তই অগ্নিসংযোগ কৰাত চাঞ্চল্যৰ সৃষ্টি হৈছে ৷ তামুলপুৰৰ মটঙা চ'কত কোকৰাঝাৰ সমষ্টিৰ ইউ পি পি এল প্ৰাৰ্থী ইউ জি ব্ৰহ্মৰ প্ৰচাৰৰ বাবে এই কাৰ্যালয়টো স্থাপন কৰা হৈছিল ৷

কিন্তু বুধবাৰে নিশা 10.55 মান বজাত কাৰ্যালয়টোত একাংশ স্থানীয় যুৱকে জুই প্ৰত্যক্ষ কৰে ৷ পাচত ঘটনাস্থলীত আৰক্ষী আৰু ইউ পি পি এলৰ স্থানীয় নেতৃত্ব উপস্থিত হয় ৷ দলটোৰ ফালৰ পৰা এই ঘটনাক গৰিহণা দিয়াৰ লগতে দোষীৰ শাস্তি দাবী কৰিছে ৷