বৰমা, 22 অক্টোবৰ : সমাগত বিটিচি পৰিষদীয় নিৰ্বাচন ৷ নিৰ্বাচনত নিজৰ নিজৰ শক্তি প্ৰদৰ্শন কৰাৰ বাবে উঠিপৰি লাগিছে বিটিচিৰ বিভিন্ন ৰাজনৈতিক দল ৷ বাক্সা জিলাৰ 23 নং দিহিৰা পৰিষদীয় সমষ্টিৰ ইউপিপিএলৰ প্ৰাৰ্থী জগদ্বীশ ৰামছিয়াৰীয়ে তিনিশতাধিক সমৰ্থকক লগত লৈ আজি সমষ্টিটোৰ থমনাত পদযাত্ৰা আৰম্ভ কৰি নিজৰ শক্তি প্ৰদৰ্শন কৰাৰ চেষ্টা কৰে ৷ সমষ্টিটোৰ থমনাৰ কাৰ্যালয়ত আৰম্ভ হোৱা এই পদযাত্ৰাই সাত কিলোমিটাৰ পথ অতিক্ৰম কৰি ৰাইজক সজাগ কৰাৰ বাবে এই কাৰ্যসূচী লয় ৷ সমষ্টিটো অবড়ো সুৰক্ষা সমিতিৰ সমৰ্থিত নিৰ্দলীয় প্ৰাৰ্থী ঘনশ্যাম দাসৰ দখলত থকাৰ পাচতো এইবাৰ জগদ্বীশ ৰামছিয়াৰীয়ে জয়লাভ কৰিব বুলি নিশ্চিতি প্ৰদান কৰিছে ৷ ৰাইজে এইবাৰ অবড়োৰ দখলত থকা দিহিৰা সমষ্টিটো ইউপিপিএল দলৰ হাতত অৰ্পণ কৰাৰ সংকল্প লোৱাৰ কথা সদৰি কৰে ইউপিপিএল দলৰ প্ৰাৰ্থী জগদ্বীশ ৰামছিয়াৰীয়ে ৷ তেওঁ কয় যে,তেওঁৰ জয় নিশ্চিত ৷
লগতে পঢ়ক : ডিব্ৰুগড়ত উপায়ুক্ত আৰু ৰাজহ চক্ৰ বিষয়াৰ গুৰুত্বপূৰ্ণ বৈঠক
