বাক্সা, 10 ছেপ্টেম্বৰঃ মঙলবাৰে বাক্সা জিলাৰ পঠালিকুছিত ৰঙিয়া-ভূটান ৰাষ্ট্ৰীয় ঘাই পথৰ কাষত এজন অচিনাক্ত পুৰুষৰ মৃতদেহ উদ্ধাৰ হয়৷ প্ৰাতঃভ্ৰমণত অহা স্থানীয় লোকে পথৰ কাষত থকা এটা জিৰণি চৰাত মৃতদেহটো প্ৰত্যক্ষ কৰে৷
অচিনাক্ত মৃতদেহ উদ্ধাৰ
ততাতৈয়াকৈ স্থানীয় ৰাইজে এই সন্দৰ্ভত তামুলপুৰ আৰক্ষী থানাত খবৰ দিয়ে৷ ইয়াৰোপৰিও গান্ধীবাৰী আৰক্ষী চকীৰ ভাৰপ্ৰাপ্ত আৰক্ষী বিষয়া মনোজ কুমাৰ দাস আৰু এটা আৰক্ষীৰ দল ঘটনাস্থলীত উপস্থিত হৈ ঘটনাৰ বুজ লয় আৰু মৃতদেহটো থানালৈ লৈ যায়৷ মৃত লোকজনৰ বয়স আনুমানিক 45 বছৰ মান হ'ব বুলি জানিব পৰা গৈছে ৷ অৱশ্যে এই পৰ্যন্ত মৃতদেহটোৰ চিনাক্তকৰণ হোৱা নাই৷ সম্প্ৰতি আৰক্ষীয়ে মৃতদেহটো মৰণোত্তৰ পৰীক্ষাৰ বাবে জিলা সদৰ মুছলপুৰলৈ প্ৰেৰণ কৰিছে৷
