বাক্সা, ১১ জুলাই :বাক্সা জিলাৰ তামুলপুৰ মহকুমাৰ অন্তৰ্গত ১ নং জামুগুৰি গাঁৱৰ আৰ্চিগুৰীৰ আদিবাসী চুপালৈ গৰাখহনীয়াই কঢ়িয়াই আনিছে ভাবুকি । ইতিমধ্যে গৰাখহনীয়াৰ কৰবলত পৰি গাঁওখনৰ পৰহিনীতা উৰাং নামৰ এগৰাকী বিধবা মহিলাৰ প্ৰায় দুই বিঘা মাটি পানীত জাহ গৈছে ।
বাক্সাৰ ১ নং জামুগুৰীলৈ ভাবুকি কঢ়িয়াই আনিছে গৰাখহনীয়াই
জানিব পৰা মতে সাধাৰণ দোং এটাৰ পানীয়ে গৰাখহনীয়াৰ সৃষ্টি কৰি মহিলাগৰাকীৰ মাটিৰ লগতে গাঁওবাসীলৈ ভাবুকি কঢ়িয়াই আনিছে । যিহেতু ৰাজ্য খনত যোৱা মঙলবাৰৰে পৰা পুনৰ ধৰাসাৰ বৃষ্টিপাত হৈ আছে সেয়ে উক্ত গাঁওখন যিকোনো মুহূৰ্ততে গৰাখহনীয়াৰ কৱলত পৰাৰ আশংকাত স্থানীয় ৰাইজে বিনিদ্ৰ ৰজনী কটাব লগীয়া হৈছে । উপায়ন্তৰ হৈ ৰাইজে স্থানীয় জনপ্ৰতিনিধি সকলৰ সহায়-সহযোগিতা কামনা কৰিছে ৷
