টকা নিব নোৱাৰি চোৰ লণ্ড-ভণ্ড কৰিলে বেংকৰ আচবাব

মুছলপুৰস্থিত অসম গ্ৰামীণ বিকাশ বেংকৰ পৰা ধন লুট কৰাৰ লক্ষৰে চোৰে বেংকত প্ৰৱেশ কৰিছিল ৷ কিন্তু ধন লুট কৰিবলৈ অসমৰ্থ হোৱাত চোৰে বেংকৰ আচবাব সমূহ ভাঙি লণ্ড-ভণ্ড কৰে ৷

বাক্সা, 24 ডিচেম্বৰঃ সোমবাৰে নিশা বাক্সাৰ সদৰ মুছলপুৰস্থিত অসম গ্ৰামীণ বিকাশ বেংকৰ ভিতৰত গ্ৰীল ভাঙি চোৰে প্ৰৱেশ কৰে ৷ বেংকত থকা ধন লুট কৰাৰ লক্ষ্যৰে চোৰে বেংকটোৰ ভিতৰত প্ৰৱেশ কৰিছিল ৷ কিন্তু চুৰি কাৰ্য সংঘটিত কৰাত সফল নহয় চোৰৰ দলটো ৷

অৱশ্যে চোৰৰ দলটোৱে বেংকৰ পৰা ধন লুট কৰিব নোৱাৰিলে যদিও বেংকৰ আচবাব আৰু নথি-পত্ৰ নষ্ট কৰে ৷ মঙলবাৰে পুৱা বেংকৰ কৰ্মচাৰীয়ে বেংকৰ ভিৰতৰত প্ৰৱেশ কৰাত সমগ্ৰ ঘটনা পোহৰলৈ আহে আৰু মুছলপুৰ আৰক্ষীক খবৰ দিয়ে ৷ পৰৱৰ্তী সময়ত মুছলপুৰ আৰক্ষী ঘটনাস্থলীত উপস্থিত হৈ সমগ্ৰ ঘটনাৰ তদন্ত প্ৰক্ৰিয়া আৰম্ভ কৰিছে ৷

লগতে পঢ়ক - কোনে খালে কাৰ টকা ?