বাক্সা,11 জানুৱাৰীঃ বাক্সাৰ তামুলপুৰত পথৰ দুৰৱস্থাই অস্বস্তিত পেলাইছে ৰাইজক ৷ বিভাগীয় কৰ্তৃপক্ষই কোনো ব্যৱস্থা গ্ৰহণ নকৰাত অৱশেষত ৰাইজে মিলি মেৰামতি কৰে পথ ৷
তামুলপুৰ মহকুমাৰ অন্তৰ্গত ভাৰত-ভূটান সীমান্তৱৰ্তী গুৱাবাৰীৰ পৰা বগামাটিলৈ যোৱা প্ৰায় তিনি কিল’মিটাৰ পথ ৰাইজৰ তৎপৰতাত মেৰামতি কৰা হয় ৷ স্থানীয় শান্তি সমিতিৰ উদ্যোগত পথছোৱা মেৰামতি কৰি যোগাযোগৰ সূচল কৰি তোলে ৷
তামুলপুৰ মহকুমা প্ৰশাসনৰ সহকাৰী আয়ুক্ত হৃদয় কুমাৰ দাস আৰু আৰক্ষী চকীৰ ভাৰপ্ৰাপ্ত বিষয়া,পৰিদৰ্শক অসীম বৰাৰ বিশেষ তৎপৰতাত গঠিত শান্তি সমিতিয়ে স্থানীয় সমাজকৰ্মী মিৰ্জান আলী আৰু এ এন পি এল-ৰ স্বত্বাধিকাৰী অনুপম শৰ্মা আৰু ভোজন দাসৰ সহযোগত এই পথছোৱা মেৰামতি কৰা হয় ।
উল্লেখ্য যে, কিছুদিন পূৰ্বে অনুষ্ঠিত সভাত অঞ্চলটোৰ আইন-শৃংখলাকে ধৰি নাগ্ৰীজুলি,গুৱাবাৰী আৰু বগামাটিৰ বিষয়ে পৰ্যালোচনা কৰি কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয় ৷
লগতে চাওকঃ জুৰীয়াত দিন দুপৰতে ডকাইতি কাণ্ড
