তামুলপুৰ,17 নৱেম্বৰ: তামুলপুৰৰ নাগ্ৰীজুলিত পথ দুৰ্ঘটনা ৷ নাগ্ৰীজুলি-ওদালগুৰি সংযোগী পথৰ নাগ্ৰীজুলি আৰক্ষী চকীৰ সন্মুখতে সংঘটিত হয় পথ দুৰ্ঘটনা ৷ AS-25M-9417 নম্বৰৰ মটৰ চাইকেলখনে নাগ্ৰীজুলি বজাৰৰ পৰা অমৰ চক অভিমুখে গৈ থাকোতে নিয়ন্ত্ৰণ হেৰুৱাই নাগ্ৰীজুলি আৰক্ষী চকীয়ে দিয়া বেৰিকেডত প্ৰচণ্ড জোৰে খুন্দা মাৰি মটৰ চাইকেলসহ দুই যুৱক পথৰ ওপৰত চিটিকি পৰে । ফলত গুৰুতৰ ভাৱে আহত হয় নীলকমল বড়ো আৰু চন্তু বড়ো নামৰ দুজন যুৱক ।
আহত নীলকমল বড়ো আৰু চন্তু বড়োক আৰক্ষীৰ সহযোগত আৰু স্থানীয় লোকে নাগ্ৰীজুলি প্ৰাথমিক চিকিৎসালয়ত ভৰ্তি কৰোৱাই যদিও প্ৰাথমিক চিকিৎসা প্ৰদান কৰি উন্নত চিকিৎসাৰ বাবে নীলকমল বড়োক মুমূৰ্ষু অৱস্থাত জি এম চি এইছলৈ প্ৰেৰণ কৰে ।
লগতে পঢ়ক: PLANNED CITY যোৰহাটৰ কদৰ্যময় পৰিৱেশ
