বাক্সা, 20 এপ্ৰিল : বাক্সাৰ তামুলপুৰত পথ দুৰ্ঘটনা ৷ তামুলপুৰ আৰক্ষী চকীৰ অন্তৰ্গত দিঘিলাপাৰত শনিবাৰে সন্ধিয়া সংঘটিত হোৱা পথ দুৰ্ঘটনাত থিতাতে নিহত এজন যুৱক ৷
ঘটনাৰ বিৱৰণী অনুসৰি, সন্ধিয়া প্ৰায় 7 বজাত ৰঙিয়া-ভূটান পথেৰে খোজ কাঢ়ি গৈ থকা অৱস্থাত এখন তীব্ৰবেগী পালচাৰে পাচফালৰ পৰা খুন্দিয়াই ৰূপান্তৰ দাস নামৰ যুৱকজনক ৷ দুৰ্ঘটনা সংঘটিত কৰিয়েই ঘটনাস্থলীৰ পৰা পলায়ন কৰে AS ০১ D J ০৪৮৩ নম্বৰৰ পালচাৰখনৰ আৰোহীয়ে ৷ গুৰুতৰভাৱে আহত যুৱকজনক স্থানীয় ৰাইজে ততাতৈয়াকৈ তামুলপুৰ প্ৰাথমিক স্বাস্থ্য কেন্দ্ৰত ভৰ্তি কৰোৱাই যদিও চিকিৎসকে মৃত বুলি ঘোষণা কৰে যুৱকজনক ৷ দুৰ্ঘটনাৰ খবৰ পায়েই ঘটনাস্থলীত উপস্থিত হোৱা আৰক্ষীয়ে মটৰচাইকেলখনৰ আৰোহীৰ অনুসন্ধানত অব্যাহত ৰাখিছে অভিযান ৷
তামুলপুৰত পথ দুৰ্ঘটনা
