বৰমা, 9 ছেপ্তেম্বৰঃ 25 নং বাগানপাৰা পৰিষদীয় সমষ্টিৰ বিপিএফ দলৰ প্ৰাৰ্থী ফলিন্দ্ৰ বসুমতাৰীয়ে যোৱা 7 চেপ্তেম্বৰত এখন নিৰ্বাচনী সভাত বিজেপি দলৰ তথা অসমৰ বিত্তমন্ত্ৰী হিমন্ত বিশ্ব শৰ্মাৰ বিৰুদ্ধে আপত্তিজনক বক্তব্য আগবঢ়োৱাৰ কাৰণে বুধবাৰে কেন্দ্ৰীয় বিপিএফ দলৰ সাধাৰণ সম্পাদক পবিন বড়োৱে বৰমাত সংবাদমেল আয়োজন কৰে ৷
সংবাদমেলত বড়োৱে কয় যে,25 নং বাগানপাৰা পৰিষদীয় সমষ্টিৰ বিপিএফ দলৰ প্ৰাৰ্থী ফলিন্দ্ৰ বসুমতাৰী এজন দলৰ প্ৰাৰ্থীহে,তেওঁ দলৰ কাৰ্যকৰ্তাৰ লগত কোনো বিষয় বাব নাই ৷ আনহাতে তেওঁ কৰা মন্তব্য কোনো দলীয় মন্তব্য নহয় বুলি উল্লেখ কৰে ৷
ইপিনে বিপিএফ দলৰ কাৰ্যনিৰ্বাহক সমিটিয়ে ফলিন্দ্ৰ বসুমতাৰীৰ বিৰুদ্ধে শাস্তিমূলক ব্যৱস্থা গ্ৰহণ কৰিব বুলিও সংবাদমেল যোগে জানিবলৈ দিয়ে ৷ সাংবাদিকৰ এক প্ৰশ্নৰ উত্তৰত তেওঁ কয় যে,বিপিএফ দলে এতিয়াও বিজেপি দলৰ লগতে মিত্ৰতা আছে ৷ লগতে আক্ষেপেৰে কয় যে,বিজেপি দলে এই মুহুৰ্তত ইউপিপিএল দলৰ সৈতে ভিতৰি-ভিতৰি কাম কাজ চলাই আছে,এইটো আমাৰ কাৰণে শুভ লক্ষণ নহয় ৷
আনহাতে এইবাৰো বিটিএডিত বিপিএফ দলৰেই চৰকাৰ হোৱাৰ কথা সদৰি কৰি কয় যে,দলে ইতিমধ্যে বিভিন্ন দল সংগঠনৰ লগত আলোচনা কৰিছে আৰু তেওঁলোকে এইবাৰো বিপিএফ দলকেই অহাটো বিচাৰে ৷
উল্লেখ্য যে,যোৱা 7 ছেপ্তেম্বৰত বাক্সা জিলাৰ বাগানপাৰাস্থিত আংগাৰধুৱাত এখন নিৰ্বাচনী সভাত প্ৰাৰ্থী ফলিন্দ্ৰ বসুমতাৰীয়ে 2021 নিৰ্বাচনত বিজেপি চৰকাৰ পৰাজিত হ’লে অসমৰ বিত্তমন্ত্ৰী হিমন্ত বিশ্ব শৰ্মা জেললৈ যাব লাগিব বুলি কৈছিল ৷ ইয়াৰ পাচতেই ভাইৰেল হৈ পৰা ভিডিঅ’টোৱে তীব্ৰ আলোড়নৰ সৃষ্টি কৰিছিল ৰাজ্যত ৷ আনকি বিপিএফ দলৰ ভিতৰ চৰাতো সৃষ্টি কৰিছিল তীব্ৰ প্ৰতিক্ৰিয়াৰ ৷
লগতে চাওক-জেমিথাং সীমান্তৰ গাঁৱবাসীক আঁতৰোৱাৰ কথা ভিত্তিহীন : সেনা আৰু টাৱাং জিলা প্ৰশাসন
