বাক্সা ৮ আগষ্টঃ কেন্দ্ৰীয় চৰকাৰে জন্মু কাশ্মীৰৰ পৰা অনুচ্ছেদ ৩৭০ আৰু ৩৫(ক) প্ৰত্যাহাৰ কৰি জন্মু কাশ্মীৰ আৰু লাডাখ নামেৰে দুখন কেন্দ্ৰীয়শাসিত ৰাজ্য গঠন কৰাৰ পিছতেই পুনৰাই পৃথক বড়োলেণ্ডৰ দাবীত সৰৱ হৈ পৰিছে এবছু, এনডিএফবি (প্ৰ) আৰু পিজিএচিবিএম । বড়োলেণ্ডৰ দাবীত তিনিঘণ্টীয়া অৱস্থান ধৰ্মঘট কাৰ্যসূচী ৰূপায়ন দল সংগঠন কেইটাৰ ।
সহস্ৰাধিক জনতাই হাতে হাতে বেনাৰ, পতাকা, প্লেকাৰ্ড লৈ অৱস্থান ধৰ্মঘট কাৰ্যসূচীত অংশগ্ৰহণ কৰি ন বড়োলেণ্ড ন ৰেষ্ট, বড়োলেণ্ড অবিহনে ক্ষান্ত নহও আদি বিভিন্ন শ্ল’গানেৰে উত্তাল কৰি তোলে পৰিৱেশ ৷ কেন্দ্ৰীয় চৰকাৰে যদি জন্মু-কাশ্মীৰক দ্বিখণ্ডিত কৰি দুখন কেন্দ্ৰীয়শাসিত ৰাজ্য গঠন কৰিব পাৰে তেনেহলে অসমক দ্বিখণ্ডিত কৰি পৃথক বড়োলেণ্ড ৰাজ্য গঠন কৰিব নোৱাৰাৰ কোনো কাৰণ নাই বুলিও দাবী কৰে ৷
বিজেপি চৰকাৰে লাডাখৰ জনতাক ন্যায় দিয়াৰ দৰে বড়োলেণ্ডৰ জনতাকো ন্যায় প্ৰদান কৰিবলৈ আহ্বান জনায় কাৰ্যসূচীত অংশগ্ৰহণ কৰা নেতৃবৰ্গই ৷
