নিউজ ডেস্ক, 4 আগষ্টঃ এন আৰ চিৰ শুনানিৰ নামত কৰা হাৰাশাস্তিৰ বিৰুদ্ধে প্ৰতিবাদ চিৰাঙত ৷ সোমবাৰে চিৰাঙত সদৌ বিটিচি সংখ্যালঘু ছাত্ৰ সন্থাৰ জিলা সমিতিয়ে পদ্মপুৰ ৰাজপথত টায়াৰ জ্বলাই প্ৰতিবাদ সাব্যস্ত কৰে ।
বাক্সাৰ শালবাৰীৰ কালপানীতো সদৌ বিটিচি সংখ্যালঘু ছাত্ৰ সন্থাৰ চমুকৈ এবিএমছুৱে উত্তাল প্ৰতিবাদ সাব্যস্ত কৰে ৷ উচ্চতম ন্যায়লয়ৰ নিৰ্দেশনা অমান্য কৰি NRC কৰ্তৃপক্ষই ৰাইজক NRC ৰ নামত হাৰাশাস্তি বন্ধ কৰাৰ প্ৰতিবাদত সংগঠনটোৱে বিভিন্ন শ্ল'গানেৰে প্ৰতিবাদ সাব্যস্ত কৰে ৷ লগতে দেওবাৰে গুৱাহাটীৰ সোণতলীত NRCত উপস্থিত হ'বলৈ গৈ থকাৰ সময়ত দুৰ্ঘটনাত আহত আৰু নিহত সকলক 5 লাখ টকা ক্ষতিপূৰণ দিয়াৰ দাবী জনায় এবিএমছুৰ শালবাৰী জিলা সমিতিয়ে ৷ আনহাতে, এন আৰ চিৰ পুনৰ শুনানিৰ নামত ভয়ংকৰ চক্ৰান্ত বুলি দাবী জনাই প্ৰতিবাদ সাব্যস্ত কৰে অসম সংখ্যা সংগ্ৰাম পৰিষদৰ দৰং জিলা সমিতিয়ে ৷ দলগাঁৱৰ শিয়ালমাৰী বজাৰ চ'কত মুখ্যমন্ত্ৰী সৰ্বানন্দ সোণোৱাল আৰু এন আৰ চিৰ সমন্বয়ক প্ৰতীক হাজেলাৰ প্ৰতিকৃতি দাহ কৰে ।
