বাক্সা, 6 জুলাই: বাক্সা থমনাৰ মাজেৰে বৈ যোৱা মৰাদিয়া নৈৰ সাপ্তাহিক বজাৰৰ দক্ষিণ দিশে পানীত তলমুৱাকৈ ওপঙি থকা অৱস্থাত উদ্ধাৰ হয় আদবয়সীয়া অচিনাক্ত পুৰুষৰ মৃতদেহটো ৷ দুৰ্বৃত্তই হত্যা কৰি পেলাই দিয়াৰ সন্দেহ কৰিছে প্ৰত্যক্ষদৰ্শীয়ে ৷ একাংশ প্ৰত্যক্ষদৰ্শীয়ে এইয়া ডাইনীজনিত হত্যাকাণ্ড বুলিও সন্দেহ প্ৰকাশ কৰিছে ৷ অৰ্ধগলিত মৃতদেহটো নৈৰ বুকুৰে নাতিদূৰৰ পৰা ভাহি অহাৰ সন্দেহ কৰিছে আৰক্ষীয়ে ৷ ঘটনাস্থলীত আঠিয়াবাৰী আৰক্ষী চকী আৰু মুছলপুৰ আৰক্ষী থানাৰ আৰক্ষী উপস্থিত হৈ মৰণোত্তৰ পৰীক্ষাৰ বাবে মুছলপুৰ অসামৰিক চিকিৎসালয়লৈ প্ৰেৰণ কৰিছে মৃতদেহ ৷ এতিয়ালৈকে মৃতদেহটো চিনাক্ত হোৱা নাই ৷
বাক্সা জিলাৰ থমনাত অৰ্ধগলিত মৃতদেহ উদ্ধাৰ
