বাক্সা, 30 ছেপ্টেম্বৰঃ বাক্সাৰ শিমলাগুৰীত জব্দ চোৰাং গৰু ভৰ্তি ট্ৰাক ৷ ২4 টা গৰু সহ পাচঁ জন চোৰাং বেপাৰীক গ্ৰেপ্তাৰ কৰে আৰক্ষীয়ে ৷ সোমবাৰে উত্তৰ প্ৰদেশৰ পৰা 31 নম্বৰ ৰাষ্ট্ৰীয় ঘাইপথেৰে বৰপেটাত বিক্ৰী কৰিবলৈ অনাৰ পথত আৰক্ষীয়ে জব্দ কৰে চোৰাং গৰু ভৰ্তি ট্ৰাকখন । চোৰাং গৰু কঢ়িয়াই অনা ট্ৰাকখনৰ নম্বৰ UP-50-CT-2286 ৷
আৰক্ষীয়ে গ্ৰেপ্তাৰ কৰা ধৃত চোৰাং গৰু বেপাৰী কেইজন ক্ৰমে ছব্ৰি আলম,খুচৰব্বে আনচাৰী, ইৰচাৰ আনচাৰী, অপচাৰ কুৰেচী, লাল মহম্মদ আলম । চোৰাং গৰু বেপাৰী কেইজনৰ ঘৰ উত্তৰ প্ৰদেশৰ আজগড় জিলাৰ ছফিকৰ গাঁৱত । চোৰাং বেপাৰী কেইজনে শোণিতপুৰ জিলাৰ সুক্ৰাজুলিত বসবাস কৰি দীৰ্ঘদিন ধৰি চলায় আহিছিল চোৰাং গৰুৰ ৰমৰমীয়া ব্যৱসায় । সম্প্ৰতি ধৃত চোৰাং বেপাৰী কেইজনক গোৱৰ্দ্ধনা আৰক্ষীয়ে জেৰা অব্যাহত ৰাখিছে ।
শিমলাগুৰীত চোৰাং গৰু ভৰ্তি ট্ৰাক জব্দ, গ্ৰেপ্তাৰ 5
