বাক্সা, 10 জুলাইঃ ৰাইজে নখ জোকাৰিলে নৈ বৈয় এই কথাষাৰ প্ৰতিপন্ন কৰি দেখুৱালে গোৰেশ্বৰৰ নিছকুচুলাবাসীয়ে । চৰকাৰলৈ বাট নাচায় ৰাইজ ওলাই আহিল,গাঠিৰ ধনেৰে সোঁত সলনি কৰিলে একাংশ লোকে ৷ এইসকল ৰাইজৰ দুখ দুৰ্দশাৰ খবৰ ল'বলৈ আহৰি নাই চৰকাৰখনৰ ৷ আজিও চৰকাৰলৈ আশাবাদী দুৰ্ভগীয়া নৈ পৰীয়া ৰাইজ।
এই ঘটনা সংঘটিত হৈছে গোৰেশ্বৰ ৰাজহ চক্ৰৰ অন্তৰ্গত পুঠিমাৰী নৈত । বিগত বছৰ বছৰ ধৰি বাৰিষাৰ বানে ভেটি মাটি উচন কৰিলে কেবাটাও পৰিয়ালৰ । পুঠিমাৰী নৈয়ে প্ৰত্যেক বছৰে সলনি কৰি আহিছে ইয়াৰ গতিপথ ৷ যাৰবাবে প্ৰত্যেৰ বছৰে পুঠিমাৰি নৈৰ বুকুত জাহ গৈছে শ শ বিঘা খেতি মাটি ৷ বহুবাৰ চৰকাৰক আবেদন জনোৱাৰ পিচতে পুঠিমাৰী নৈৰ দিশ সলনি কৰি অঞ্চলটোৰ ৰাইজক ৰক্ষা কৰিবলৈ আগবাঢ়ি নাহিল কোনো ৷
বছৰি হাজাৰ হাজাৰ বিঘা কৃষি ভূমি হেৰুৱাই সৰ্বস্বান্ত হোৱা বাক্সাৰ গোৰেশ্বৰৰ নিছকুচুলাত ৰাইজে নিজে নিজৰ মাটি সম্পত্তি ৰক্ষাৰ অৰ্থে উলাই আহে শুকুৰবাৰে ৷ ৰাইজে কৰিছে জলসম্পদ বিভাগৰ হৈ নিজে লাগি ভাগি গাঠিৰ ধন ব্যয় কৰি শুকুৰবাৰে পুঠিমাৰী নৈৰ পাৰত জেচিবিৰে খনন চলাই নৈ খনৰ দিশ সলনি কৰাৰ বাবে চেষ্টা চলাই ৷ অঞ্চলটোৰ ৰাইজ লগ হৈ নিজেই খনন কাৰ্য চলাই ফেনে ফুটুকাৰে বাঢ়ি অহা নৈখনৰ দিশ সলনি কৰি সম্পত্তি ৰক্ষাৰ বাবে অন্তিমটো চেষ্টা চলাই ৷ ইয়াৰ পূৰ্বে বহুবাৰ আবেদন নিবেদন কৰিছিল যদিও চৰকাৰে কোনো গুৰুত্ব নিদিয়াৰ অভিযোগ উত্থাপন কৰে অঞ্চলটোৰ ৰাইজে ৷
উল্লেখ যে বিগত বছৰত বিটিচিৰ প্ৰাক্তন ইএম গনেশ কছাৰীয়ে ৰাইজক সহায় কৰিছিল যদিও ৰাজ্যপাল শাসন আৰু নিৰ্বাচনী বিধি চলি থকাৰ বাবে কোনোধৰণৰ সহায় কৰিব পৰা নাই বুলি উল্লেখ কৰে ৷ আনহাতে স্থানীয় বিধায়ক তথা মন্ত্ৰী ভৱেশ কলিতাৰ আশ্বাসত দিন অতিবাহিত কৰিছে নৈপৰীয়া ৰাইজসকলে ।
লগতে চাওকঃ কিয় আৰু কেনেকৈ গ্ৰেপ্তাৰ হ’ল খলনায়ক বিকাশ ডুবে ?
