বাক্সা,20এপ্ৰিল: "বি টি এ ডিত যেতিয়া অশান্তি চলি আছিল তেতিয়া হাগ্ৰামা মহিলাৰী নাথাকিলে, বৰ্তমান এনেদৰে বি টি এ ডিত নিৰ্বাচনী সভা অনুষ্ঠিত কৰাও সম্ভৱ নহ'লহেঁতেন৷ গতিকে এই কথাবোৰ মানুহে পাহৰি যাব নালাগে ৷" শনিবাৰে বাক্সাৰ এক ৰাজহুৱা সভাত এই মন্তব্য কৰে মন্ত্ৰী হিমন্ত বিশ্ব শৰ্মাই ৷
তৃতীয় পৰ্যায়ৰ নিৰ্বাচন চমু চাপি অহাৰ লগে লগে ৫ নং কোকৰাঝাৰ লোকসভা সমষ্টিত এতিয়া হাই-প্ৰফাইল মন্ত্ৰী বিধায়কেৰে ভৰি পৰিছে । শনিবাৰে বাক্সাৰ দক্ষিণ কুমাৰীকাটাত বিজেপি মিত্ৰজোঁটৰ এখন বিশাল ৰাজুহুৱা সভা অনুষ্ঠিত হয় । এই সভাত মন্ত্ৰী হিমন্ত বিশ্ব শৰ্মাই হাগ্ৰামা মহিলাৰীক প্ৰশংসা কৰি বি টি এ ডিত অশান্তি চলি থকাৰ সময়ত হাগ্ৰামা মহিলাৰী নথকা হ'লে বি টি এ ডিলৈ শান্তি ঘুৰি নাহিল হয় বুলি মন্তব্য কৰে ৷ এইবাৰ বিটিচিত বড়ো-অবড়োৰ মাজৰ ৰাজনৈতিক অৱসান হোৱাটো বিছাৰে বুলিও মন্ত্ৰী শৰ্মাই সাংবাদিকৰ আগত মন্তব্য কৰে । উল্লেখ্য যে এই সভাত বিত্ত-স্বাস্থ্য মন্ত্ৰী হিমন্ত বিশ্ব শৰ্মা, বিটিচি প্ৰধান হাগ্ৰামা মহিলাৰী, সাংসদ ৰামেশ্বৰ তেলী, ৰাজ্য সভাৰ সাংসদ বিশ্বজিৎ দৈমাৰীকে ধৰি বহুকেইজন বিটিএডিৰ বিষয়-ববিয়া উপস্থিত থাকে ৷
