বাক্সা, ৬ এপ্ৰিলঃ বাক্সাৰ মুছলপুৰৰ আমগুৰিত উদ্ধাৰ এটা ভালুকৰ পোৱালী ৷ স্থানীয় স্বেচ্ছাসেৱী সংগঠন মানাহ চৌচি খংখৰ ইকো টুৰিজিম চ'ছাইটিয়ে উদ্ধাৰ কৰি গতালে বন বিভাগক ৷ খবৰ অনুসৰি,শুকুৰবাৰে বাটাবাৰী আঞ্চলিক বন কাৰ্যালয়ৰ অন্তৰ্গত সুৱণখাটা সংৰক্ষিত বনাঞ্চলৰ পৰা আমবাৰী গাঁৱৰ কেইজনমান যুৱকে এটা ভালুকৰ পোৱালী ধৰি লৈ আহে ৷ পাচত বিষয়টো মানাহ চৌচি খংখৰ ইকো টুৰিজিম চ'ছাইটিৰ সদস্যই খবৰ লাভ কৰি নিশাই ভালুকৰ পোৱালীটো যুৱককেইজনৰ হাতৰ পৰা উদ্ধাৰ কৰে ৷ আনহাতে, পুৱা স্বেচ্ছাসেৱী সংগঠনটোৰ সভাপতি বিজয় চৌধুৰীয়ে আনুষ্ঠানিকভাৱে ভালুকৰ পোৱালীটো বন বিভাগক চমজাই দিয়ে ৷
বাক্সাৰ খুৱনখাটাত উদ্ধাৰ ভালুকৰ পোৱালী
