প্ৰাপ্য অধিকাৰ বিচাৰি প্ৰতিবাদ সাব্যস্ত বাক্সাৰ বিটপাৰৰ ৰাইজৰ

ৰাজ্য চৰকাৰে ৰেচন কাৰ্ড নথকা লোকসকলক সহায় কৰাৰ বাবে ৰূপায়ণ কৰিছে বিভিন্ন আঁচনি কিন্তু ঠায়ে ঠায়ে অনিয়ম সংঘটিত হৈছে আঁচনি ৰূপায়নৰ ক্ষেত্ৰত ৷ এই অভিযওগ আমাৰ নহয়, ৰাইজৰ ৷ চৰকাৰী বিনামূলীয়া চাউল লাভৰ পৰা বঞ্চিত বাক্সাৰ বিটপাৰৰ ৰাইজ ৷ যাৰ বাবে ৰাজপথলৈ ওলাই আহি প্ৰতিবাদ সাব্যস্ত কৰিছে বঞ্চিত লোকসকলে ৷

বৰমা, 8 জুনঃ লক ডাউনৰ সময়চোৱাত ৰাজ্য চৰকাৰে ৰেচন কাৰ্ড নথকা লোকসকলক সহায় কৰাৰ বাবে বিভিন্ন আঁচনি ৰূপায়ণ কৰিছে যদিও বাক্সাত এই আঁচনি ৰূপায়ণত সংঘটিত হৈছে ব্যাপক অনিয়ম ৷ যাৰ বাবে বঞ্চিত লোকসকল ৰাজপথলৈ ওলাই আহি প্ৰতিবাদ কৰিবলৈ বাধ্য হৈছে ৷

বাক্সা জিলাৰ বাগানপাৰা ৰাজহ চক্ৰৰ অন্তৰ্গত বিটপাৰৰ প্ৰায় পঞ্চাশটা পৰিয়ালে বাস কৰা গাঁওখনৰ অধিকাংশ পৰিয়ালৰে নাই চৰকাৰী ৰেচন কাৰ্ড ৷ লক ডাউনৰ সময়চোৱাত চৰকাৰে ৰেচন কাৰ্ড নোহোৱা পৰিয়ালসমূহক বিনামূলীয়া চাউল দিয়াৰ কথা ঘোষণা কৰাৰ পিচত গাঁওখনৰ এখন তালিকা প্ৰস্তুত কৰি জমা দিছিল বিভাগীয় কৰ্ত়ৃপক্ষৰ ওচৰত ৷ পিচে ৰাজনৈতিক পাকচক্ৰত পৰি গাঁওখনৰ অধিকাংশ লোক বঞ্চিত হয় বিনামূলীয়া চাউল লাভৰ পৰা ৷ ফলত সোমবাৰে গাঁওবাসী একত্ৰিত হৈ সামাজিক দূৰত্ব মানি মৌন প্ৰতিবাদ সাব্যস্ত কৰে ৷

অভিযোগ অনুসৰি বাগানপাৰা পৰিষদীয় সমষ্টিৰ নৱস্তি প্ৰাথমিক বিপিএফৰ সদস্য পূষন বাহাদুৰ চেত্ৰীয়ে সম্পূৰ্ণ মইমতালিৰে একাংশ লোকক বঞ্চিত কৰি হিতাধিকাৰীৰ তালিকা দাখিল কৰিছিল ৷ লগতে গাঁওবুঢ়া লালমোহন বড়োৰ অমনোযোগিতাৰ বাবে গাঁওবাসী বঞ্চিত হৈছে ৷ আনহাতে বিষয়টো স্থানীয় প্ৰাক্তন এম চি এল এ ফলীন্দ্ৰ বসুমতাৰীক অৱগত কৰিবলৈ যাওঁতে প্ৰাক্তন এম চি এল এ গৰাকীয়ে ৰাইজক দুৰ্ব্যৱহাৰ কৰা বুলিও অভিযোগ উত্থাপন কৰে স্থানীয় ৰাইজে ৷

লগতে পঢ়কঃ বান পানীয়ে জুৰুলা কৰিছে বৰপেটাৰ বহু খেতিয়কক