বাক্সা, ২৫ এপ্ৰিল: দেশত চলি থকা লক ডাউনৰ মাজতেই কৰ্তব্যৰত সংবাদকৰ্মীক আক্ৰমণ বি এছ এফ জোৱানৰ । বাক্সা জিলাৰ বৰমাৰ পৰা ইটিভি ভাৰত অসমৰ হৈ সংবাদ প্ৰেৰণ কৰা সংবাদদাতা দিলীপ বড়োক শনিবাৰে পুৱা ভাগত আক্ৰমণ চলায় এজন বি এছ এফ জোৱানে ।
জানিব পৰা মতে,শনিবাৰে পুৱা ১০.৩০ বজাত বৰমা পূৱ চকত এজন ব্যক্তিক বি এছ এফৰ জোৱানে উঠা বহা কৰাই আছিল। সেই দৃশ্য দেখা পায়ে সংবাদকৰ্মী জনে সেই কাৰ্যৰ ভিডিঅ' ল'বলৈ আগবাঢ়ি আহিতেই হঠাৎ পিছফালৰ পৰা আহি এজন বি এছ এফৰ জোৱানে আক্ৰমণ চলায় । লগতে সংবাদদাতাৰ ম'বাইলত আবদ্ধ হোৱা সকলো ফটোও বি এছ এফৰ জোৱানজনে ডিলিট কৰি দিয়ে ৷
কৰ্তব্যৰত সাংবাদিকক বি এছ এফৰ জোৱানে এনেকৈ আক্ৰমণ কৰা ঘটনাই এতিয়া তীব্ৰ প্ৰতিক্ৰিয়াৰ সৃষ্টি কৰিছে বিভিন্ন মহলত । লগতে এই কাৰ্যক তীব্ৰ ভাষাৰে গৰিহণা দিছে বিভিন্ন দল সংগঠনে ।
লগতে চাওকঃ মনোমোহা শিল্পই প্ৰাণ দিছে নিৰ্জীৱ শিলক
