বাক্সা, ১৪ জুনঃ বাক্সাত আৰক্ষীৰ জালত জালনোটসহ যুৱক। ধৃত যুৱকজনৰ নাম দীপেন মেধি বুলি চিনাক্ত । বাক্সাৰ দলবাৰী আৰক্ষী চকীৰ অন্তৰ্গত দেৱচাৰা চকত ধৃত দীপেন মেধিয়ে গেলামাল কিনাৰ বাবে দোকানীক তিনিখন দুশটকীয়া নোট দিয়ে ৷ কিন্তু দোকানীজনে নোট তিনিখন জাল নোট বুলি সন্দেহ ওপজাত গাঁৱৰক্ষী বাহিনীক খবৰ দিয়ে ৷ ঘটনাস্থলীত গাঁওৰক্ষীবাহিনীৰ লোক উপস্থিত হৈ যুৱকজনক আটক কৰি দলবাৰী আৰক্ষীক খবৰ দিয়ে ৷ লগে লগে আৰক্ষী উপস্থিত হৈ যুৱকজনক কৰায়ত্ত কৰাৰ লগতে তিনিখন জালনোট জব্দ কৰিবলৈ সক্ষম হয় ৷
ইতিমধ্যে ঘটনা সন্দৰ্ভত দেৱচাৰা গাঁৱৰক্ষী বাহিনীয়ে এখন এজাহাৰ দাখিল কৰে ৷ সম্প্ৰতি অধিক তথ্যৰ বাবে আৰক্ষীয়ে যুৱকজনক জেৰা অব্যাহত ৰাখিছে ৷
লগতে আন এটা বাতৰি- যাত্ৰীবাহী ৰে’লৰ পৰা ড্ৰাগছ জব্দ
