বাক্সা, 6মে': বাক্সা জিলাৰ 1 নং কালজাৰত সংঘটিত হৈছে এক জঘণ্য ঘটনা ৷ 50 বছৰীয়া লোকৰ ধৰ্ষণৰ বলি হৈ এগৰাকী ষষ্ঠ শ্ৰেণীৰ ছাত্ৰী গৰ্ভৱতী হোৱাৰ ঘটনাই চাঞ্চল্যৰ সৃষ্টি কৰিছে সমগ্ৰ অঞ্চলটোত ৷ অভিযোগ অনুসৰি 1 নং কালজাৰৰ ৰজত ৰাভা নামৰ 50 বছৰীয়া লোকজনে দীৰ্ঘদিন ধৰি ভয় ভাবুকিৰে ওচৰৰে এগৰাকী কিশোৰীক যৌন নিৰ্যাতন চলাই আহিছিল ৷
বৰমাত ধৰ্ষণৰ বলি হৈ অন্তঃসত্বা ষষ্ঠ শ্ৰেণীৰ ছাত্ৰী
ঘৰত কোনো নথকাৰ সুযোগ লৈ হত্যাৰ ভাবুকি দি অপকৰ্ম কৰি গৈ থকাত সাত মহীয়া অন্তঃসত্বা হয় দুৰ্ভগীয়া কিশোৰীগৰাকী ৷ বিগত কেইদিনমান ধৰি কিশোৰী গৰাকী সঘনাই অসুস্থ হৈ থকাত পৰিয়ালৰ লোকে চিকিৎসকৰ ওচৰলৈ লৈ যোৱাৰ পাচতহে প্ৰকৃত ঘটনা পোহৰলৈ আহে ৷ তাৰ পাচত পৰিয়ালৰ লোকে বৰমা আৰক্ষী থানাত ৰুজু কৰা গোচৰৰ ভিত্তিত ৰজত ৰাভাক গ্ৰেপ্তাৰ কৰি জেল হাজোতলৈ প্ৰেৰণ কৰে বৰমা আৰক্ষীয়ে ৷
