বাক্সা, ১২ ফেব্ৰুৱাৰী: বাক্সা জিলাৰ তামুলপুৰ মহকুমাৰ অন্তৰ্গত ঘগ্ৰাচকত মঙলবাৰে পুৱা জনজাতি সংগঠন সমূহৰ সমন্বয়ৰক্ষী সমিতীয়ে (CCTOA) অনশন কাৰ্যসূচী ৰূপায়ন কৰে । ছয় জনগোষ্ঠীক জনজাতিৰ মৰ্যাদা দিবলৈ ওলোৱা কাৰ্যক বিৰোধিতা কৰি CCTOA'এ ৰূপায়ন কৰে এই অনশন কাৰ্যসূচী ।
অসমত ভূমিপুত্ৰ জনজাতি লোক সকলক কেন্দ্ৰীয় আৰু ৰাজ্য চৰকাৰে বলপূৰ্বক ভাৱে ছয় জনগোষ্ঠীক জনজাতিৰ মৰ্যাদা দিবলৈ ওলোৱা কাৰ্যক বিভিন্ন সময়ত বিভিন্ন দলে বিৰোধিতা কৰি আহিছে । তথাপিও জনজাতি লোক সকলক অংগুষ্ঠ প্ৰদৰ্শন কৰি ছয় জনগোষ্ঠীক জনজাতিৰ মৰ্যাদা দিবলৈ ওলাইছে কেন্দ্ৰীয় চৰকাৰে । সেয়ে CCTOA'এ আজি ইয়াৰ প্ৰতিবাদত পুৱা ৭ বজাৰ পৰা গধূলি ৭ বজালৈ ১২ঘন্টীয়া অনশন কাৰ্যসূচী ৰূপায়ন কৰে । উল্লেখ্য যে ইয়াতে ক্ষান্ত নাথাকি CCTOA ই অহাকালি ১২ ঘন্টীয়া অসম বন্ধৰ আহ্বান জনাইছে ।
আনহাতে জনজাতীয় নেতা গৰাকীয়ে জানিব দিয়া মতে কেৱল ৰাজনৈতিক লাভালাভৰ বাবেহে ছয় জনগোষ্ঠীৰ জনজাতিকৰণ কৰিবলৈ আগবাঢ়ি আহিছে ।
