স্পৰ্টছ ডেস্ক, 1 ছেপ্তেম্বৰঃ ব্ৰাজিলৰ ৰিঅ’ ডি জেনেৰিঅ’ত অনুষ্ঠিত হৈ থকা ISSF বিশ্বকাপত ভাৰতীয় খেলুৱৈৰ চমক ৷ শ্বুটিং বিশ্বকাপত ভাৰতৰ অৰ্জন পঞ্চমটো সোণৰ পদক ৷ মহিলাৰ 10 মিটাৰ এয়াৰ ৰাইফল শাখাত সুন্দৰ প্ৰদৰ্শনেৰে সোণৰ পদক অৰ্জন কৰিবলৈ সক্ষম হয় মহিলা শ্বুটাৰ যশস্বিনী দেশৱালে ৷ 236.7 পইণ্টৰে এই পদক লাভ কৰে ভাৰতীয় খেলুৱৈগৰাকীয়ে ৷
ইউক্ৰেইনৰ অ’লেনা ক’স্তেবিজক পৰাস্ত কৰি এই সফলতা অৰ্জন কৰিছে যশস্বিনীয়ে ৷ ISSF শ্বুটিং বিশ্বকাপত ভাৰতৰ এইটা আছিল পঞ্চমটো সোণৰ পদক ৷ এই জয়েৰে ভাৰতৰ এইটো আছিল অলিম্পিক কোটাত প্ৰৱেশ কৰা নৱমগৰাকী খেলুৱৈ ৷ ইয়াৰ পূৰ্বে অভিষেক বাৰ্মা, সৌৰভ চৌধুৰী, সঞ্জীৱ ৰাজপুত আৰু ইলাবেনিল ৱালৰিবনে সোণৰ পদক অৰ্জন কৰিব সক্ষম হৈছে ৷
