স্পৰ্টছ ডেস্ক, 1 জুন : দেওবাৰে বুণ্ডেছলীগাত অনুষ্ঠিত হয় এক ৰোমাঞ্চকৰ মেচ । জাডন ছাঞ্চোৰ হেট-ট্ৰিকৰ বিনিয়মত পাডেৰব'ৰ্ণৰ (Paderborn) বিৰুদ্ধে বৃহৎ জয় লাভ বৰুছিয়া ডৰ্টমুণ্ড (Borussia Dortmund)ৰ । বিগত সপ্তাহত বায়েৰ্ণ মিউনিখৰ হাতত পৰাজয়ৰ পাচত শক্তিশালী প্ৰত্যাৱৰ্তন বৰুছিয়া ডৰ্টমুণ্ড ফুটবল দলটোৰ । মেচখনত পাডেৰব'ৰ্ণক 6-1 গ'লত ধৰাশায়ী কৰিবলৈ সক্ষম হয় বৰুছিয়া ডৰ্টমুণ্ড দলটোৱে । মেচখনত পোন প্ৰথমবাৰৰ বাবে হেট-ট্ৰিক অৰ্জন কৰিবলৈ সক্ষম হৈছে বৰুছিয়া ডৰ্টমুণ্ডৰ খেলুৱৈ জাডন ছাঞ্চোৱে ।
উল্লেখ্য যে, আমেৰিকাত জৰ্জ ফ্লয়েড নামৰ এজন কৃষ্ণাংগ লোকক আৰক্ষী বিষয়াৰ দ্বাৰা হত্য়া কৰাৰ প্ৰতিবাদত মেচখনত প্ৰথমটো গ'ল কৰিয়ে বৰুছিয়া ডৰ্টমুণ্ডৰ জাডন ছাঞ্চো নামৰ খেলুৱৈগৰাকীয়ে নিজৰ জাৰ্ছী খুলি টি-শ্বাৰ্টত হস্ত লিখিত "জাষ্টিছ ফৰ্ জৰ্জ ফ্লয়েড" এক বাৰ্তা প্ৰেৰণ কৰে ।
অৱশ্যে খেলৰ মাজতেই জাৰ্ছী খুলি দিয়াৰ বাবদ হালধীয়া কাৰ্ডৰ সন্মুখীন হ'বলগীয়া হৈছিল খেলুৱৈগৰাকী । অৱশ্যে 85 মিনিটত ছাঞ্চোৰ চতুৰ্থটো গ'লত জাৰ্ছী খুলি এই বাৰ্তা প্ৰেৰণ কৰে দলৰ সতীৰ্থ খেলুৱৈ আশ্ৰফ হাকিমিয়ে । বুণ্ডছলীগাত দেওবাৰে ২৯ সংখ্য়ক ৰাউণ্ড মেচ অনুষ্ঠিত হৈছিল । য'ত 6-1 গ'লত জয় লাভ কৰিবলৈ সক্ষম হয় বৰুছিয়া ডৰ্টমুণ্ড দলটো ।
লগতে চাওকঃ মুম্বাইৰ পৰা গুৱাহাটীত উপস্থিত প্ৰায় এহেজাৰ শ্ৰমিক
