ঘৰুৱা মাটিত ছেমিফাইনেল নৰ্থ ইষ্ট দলৰ

কাইলৈ গুৱাহাটীৰ সৰুসজাই ষ্টেডিয়ামত ঘৰুৱা দল নৰ্থ ইষ্ট ইউনাইটেড মুখামুখি হ'ব বাংগালোৰ এফ চিৰ । আই এছ এলৰ চেম্পিয়নৰ খিতাপ অৰ্জন কৰিবলৈ আত্মবিশ্বাসী দলটো ।

গুৱাহাটী, ৬ মাৰ্চ: কাইলৈ গুৱাহাটীৰ সৰুসজাই ষ্টেডিয়ামত অনুষ্ঠিত হ'ব আই এছ এলৰ ছেমিফাইনেল মেচ । এইখন মেচত ঘৰুৱা দল নৰ্থ ইষ্ট ইউনাইটেড মুখামুখি হ'ব বাংগালোৰ এফ চিৰ । ছেমিফাইনেলৰ পূৰ্বে বুধবাৰে এক সংবাদমেল সম্বোধন কৰে নৰ্থ ইষ্ট ইউনাইটেডৰ মুখ্য প্ৰশিক্ষক এলকো স্কেটোৰীয়ে । কঠোৰ পৰিশ্ৰম আৰু খেলুৱৈৰ দুৰ্দান্ত প্ৰদৰ্শনৰ জৰিয়তে ছেমিফাইনেলত প্ৰৱেশ কৰাৰ কথা উল্লেখ কৰে প্ৰশিক্ষকগৰাকীয়ে ।

ছেমিফাইনেলৰ বাবে বিশেষ ৰণকৌশল প্ৰস্তুত কৰাৰ কথা ঘোষণা কৰিছে দলটোৱে । এইবাৰৰ আই এছ এলৰ চেম্পিয়নৰ খিতাপ অৰ্জন কৰিবলৈ সক্ষম হ'ব বুলি আত্মবিশ্বাসী ঘৰুৱা দলটো ।