স্পৰ্টছ ডেস্ক, 19 নৱেম্বৰ : গোৱাত 20 নৱেম্বৰ অৰ্থাৎ শুকুৰবাৰৰ পৰা আয়োজিত হ'ব ভাৰতীয় ছুপাৰ লীগৰ (ISL) সপ্তম সংস্কৰণ ৷ নতুন দল ইষ্ট বেংগলৰ অন্তৰ্ভূক্তিৰে 2020-21 ছিজনত থাকিব 11 টা দল ৷ কলকাতাৰ প্ৰখ্যাত ফুটবল দল মোহন বাগান সংযোজিত হৈছে এটিকেৰ সৈতে ৷ জনপ্ৰিয় মোহন বাগানৰ উপস্থিতিৰ ফলত এইবছৰৰ আইএছএল দৰ্শকৰ বাবে অধিক আকৰ্ষণীয় হ'ব বুলি অনুমান কৰা হৈছে ৷
ইষ্ট বেংগল আৰু এটিকে মোহন বাগানৰ অন্তৰ্ভূক্তিয়ে আইএছএল পূৰ্বৰ তুলনাত পৃথক কৰিব ৷ পূৰ্বৰ ছিজনৰ তুলনাত এইবাৰৰ আইএছএলে অধিক অনুৰাগী লাভ কৰিব বুলি আশা কৰা হৈছে ৷ 4.59 বিলিয়ন মূল্যৰ আইএছএলৰ সকলো মেচ ক'ভিড-19 ৰ প্ৰতি লক্ষ্য ৰাখি গোৱাত আয়োজন কৰাৰ সিদ্ধান্ত গ্ৰহণ কৰা হৈছে ৷
ছিজনৰ প্ৰথম মেচত মুখামুখি হ'ব কেৰালা ব্লাষ্টাৰ্ছ আৰু এটিকে মোহন বাগান ৷ বাম্বোলিমৰ জিএমচি ষ্টেডিয়ামত অনুষ্ঠিত হ'ব প্ৰথমখন মেচ ৷ এয়া কেৰালা ব্লাষ্টাৰ্ছৰ বাবে ঘৰুৱা মেচ হিচাপে বিবেচিত হ'ব ৷ ছিজনৰ আৰম্ভণিতে চাওঁ আহক এই বছৰৰ ছিজনৰ কিছু গুৰুত্বপূৰ্ণ তথ্য...
দলসমূহ :
এটিকে মোহন বাগান
মুখ্য প্ৰশিক্ষক : এন্ট'নিঅ' লোপেজ হাব্বাছ (স্পেইন)
মুখ্য খেলুৱৈ : ৰয় কৃষ্ণ, তিৰি, প্ৰবীৰ দাস, সন্দেশ জিংগান, ডেভিদ উইলিয়ামছ
বেংগালুৰু এফ চি
মুখ্য প্ৰশিক্ষক : কাৰ্লছ কোৱাড্ৰাট (স্পেইন)
মুখ্য খেলুৱৈ : গুৰপ্ৰীত সিং সন্ধু, উদান্ত সিং, ক্লেইটন ছিলভা, দেশৰ্ণ ব্ৰাউন, ক্ৰিষ্টিয়ান অপছেথ, সুনীল চেত্ৰী
চেন্নাইয়ান এফ চি
মুখ্য প্ৰশিক্ষক : চিচাবা লাছজলো (ৰোমানিয়া)
মুখ্য খেলুৱৈ : জেৰী লালৰিনজোৱালা, অনিৰুদ্ধ থাপা, ফাটখুল্লু ফাটখুলোয়েভ, লাল্লিয়ানজুৱালা, ৰাফেল ক্ৰিভেলাৰো জাকুব ৷
এফ চি গোৱা
মুখ্য প্ৰশিক্ষক : জুৱান ফেৰান্দো (স্পেইন)
মুখ্য খেলুৱৈ : জেমছ দোনাকি, ছেৰিটন ফাৰ্ণাণ্ডেজ, ব্ৰেণ্ডন ফাৰ্ণাণ্ডেজ, এডু বেদিয়া, প্ৰিন্সটন ৰেবেলো, ইগৰ এনগুলো ৷
হায়দৰাবাদ এফ চি
মুখ্য প্ৰশিক্ষক : মেনুৱেল মাৰ্কুৱেজ ৰোকা (স্পেইন)
মুখ্য খেলুৱৈ : অডেই অনাইন্দিয়া, জায়াও ভিক্টৰ, লুইছ শাস্ত্ৰে, আৰিডানে সান্তানা, ফ্ৰান সান্তানা, ৰোহিত ডানু ৷
জামছেদপুৰ এফ চি
মুখ্য প্ৰশিক্ষক : অৱেন কয়ল (ইউনাইটেড কিংডম)
মুখ্য খেলুৱৈ : ষ্টিফেন এজে, পিটাৰ হাৰ্টলে, অমৰজিৎ সিং, জেকীচান্দ সিং, নেৰিজুছ ভালস্কিচ ৷
কেৰালা ব্লাষ্টাৰ্ছ
মুখ্য প্ৰশিক্ষক : কিবু ভিকুনা (স্পেইন)
মুখ্য খেলুৱৈ : বাকাৰী কোনে, কোষ্টা হামোইনেছু, জেছেল কাৰনেইৰো, ছাহাল আব্দুল চামাদ, ছাৰ্জিঅ' চিডোনচা, গেৰী হুপাৰ ৷
মুম্বাই চিটী এফ চি
মুখ্য প্ৰশিক্ষক : ছাৰ্জিঅ' লোবাৰা (স্পেইন)
মুখ্য খেলুৱৈ : অমৰিন্দৰ সিং, মোৰটাডা ফাল, আহমেদ জাহোহ, হাৰ্নান সান্তানা, হোগো বোমাউছ, বাৰ্থোলোমিউ, আদাম লি ফোন্দ্ৰে ৷
উড়িশা এফ চি
মুখ্য প্ৰশিক্ষক : ষ্টুৱাৰ্ট বাক্সটাৰ (ইংলেণ্ড)
মুখ্য খেলুৱৈ : শুভম সাৰংগী, ষ্টিভেন টেইলৰ, জেৰী, মেনুৱেল অনয়ো, মাৰ্চেলিনহো ৷
নৰ্থ ইষ্ট ইউনাইটেড এফ চি
মুখ্য প্ৰশিক্ষক : জেৰাৰ্ড নাছ (স্পেইন)
মুখ্য খেলুৱৈ : শুভাশীষ ৰয়, ইড্ৰিছা ছাইলা, নিনথোইনগানবা মিটেই, কোৱেচি এপিয়া, লুইছ মাচাডো ৷
এচ চি ইষ্ট বেংগল
মুখ্য প্ৰশিক্ষক : ৰবী ফৌলাৰ (ইংলেণ্ড)
মুখ্য খেলুৱৈ : দেৱজিত মজুমদাৰ, এন্ঠনী পিলকিংটন, ডেনী ফক্স, জেকিউছ মাগহোমা, লিংদহ, জেজে লালপেখলুৱা ৷
ষ্টেডিয়ামসমূহ :
* জৱাহৰলাল নেহৰু ষ্টেডিয়াম, ফাডোৰদা
* জি এম চি এথলেটিক ষ্টেডিয়াম, বামবোলিম
* তিলক মৈদাম ষ্টেডিয়াম, ভাস্কো
আইএছএলৰ ফৰমেট
যোৱা ছিজনৰ তুলনাত এইবাৰ 20 খন মেচ বেছিকৈ আয়োজন কৰা হ'ব ৷ মুঠ 115 খন মেচ অনুষ্ঠিত কৰা হ'ব ৷ সকলো মেচ ৰাউণ্ড ৰবীন ফৰমেটত আয়োজিত হ'ব ৷ শীৰ্ষ চাৰিটা দলে প্লে' অফৰ যোগ্যতা অৰ্জন কৰিব ৷ আনহাতে, লীগ পৰ্যায়ৰ জয়ী দলে অহা বছৰৰ AFC চেম্পিয়ন লীগৰ যোগ্যতা অৰ্জন কৰিব পাৰিব ৷
এটা দলে কিমান খেলুৱৈ সলনি কৰিব পাৰিব ?
সকলো দলে তিনিৰ পৰিৱৰ্তে পাঁচজনকৈ বিকল্প খেলুৱৈ সলনি কৰিব পাৰিব ৷ এটা দলে অতি কমেও পাঁচ আৰু সৰ্বাধিক সাতজন বিদেশী খেলুৱৈক চুক্তিবদ্ধ কৰিব পাৰিব ৷
অৰ্থ :
* চেম্পিয়ন - $1.01 মিলিয়ন (প্ৰায় 8 কোটি)
* ৰানাৰ্ছ আপ - $540,650 (প্ৰায় 4 কোটি)
* ছেমি ফাইনেলিষ্ট - $202,500 (প্ৰায় 1.5 কোটি)
* সৰ্বাধিক গ'ল - গল্ডেন বুট আৰু $4,500 (প্ৰায় 3 লাখ)
* শ্ৰেষ্ঠ গ'লকীপাৰ - গল্ডেন গ্লভ আৰু $4,500 (প্ৰায় 3 লাখ)
* লীগৰ প্ৰতিভাৱান খেলুৱৈ - $3,400 (প্ৰায় 2.5 লাখ)
* শ্ৰেষ্ঠ খেলুৱৈ - $6,800 (প্ৰায় 5 লাখ)
ক'ত চাব পাৰিব আইএছএল ?
সকলো মেচ লাইভ উপভোগ কৰিব পাৰিব ষ্টাৰ স্পৰ্টছ নেটৱৰ্ক আৰু এছিয়ানেট প্লাছত ৷ ইয়াৰোপৰি, ডিজনী+হটষ্টাৰ VIP আৰু জিঅ' টিভিত অলনাইন চাব পাৰিব ৷
লগতে পঢ়ক : এটিপি ফাইনেলছ : জক'ভিচক পৰাস্ত মেডভেডেভৰ
