নিউজ ডেস্ক, ৪ মে': ভাৰতীয় মহিলা লীগ চমুকৈ আইডব্লিউএল ৰ তৃতীয় ছিজন পঞ্জাৱৰ গুৰু নানক ষ্টেডিয়ামত মে'ৰ ৫ তাৰিখৰ পৰা আৰম্ভ হ'ব । অ'পেনিং মেচত ডিফেণ্ডিং চেম্পিয়ন ৰাইজিং ষ্টুডেন্টছে গকুলাম কেৰালা এফচিৰ বিৰুদ্ধে অৱতীৰ্ণ হ'ব । সৰ্বমুঠ ১২ টা দলে অংশগ্ৰহণ কৰিবলগীয়া এই ফুটবল টুৰ্ণামেন্টত দুটা গ্ৰুপত দলবোৰক ভাগ কৰা হৈছে ।
সৰ্বভাৰতীয় ফুটবল সন্থাৰ সাধাৰণ সম্পাদক কুশল দাসে জনোৱা অনুসৰি ভাৰতীয় মহিলা ফুটবলে এক ৰোমাঞ্চকৰ সময়েৰে গতি কৰিছে । ভাৰতীয় দলে শেহতীয়াকৈ আন্তৰাষ্ট্ৰীয় পৰ্যায়ত ভাল প্ৰদৰ্শন দেখুৱাবলৈ সক্ষম হৈছে বুলি তেওঁ মন্তব্য কৰে ।
