নিউজ ডেস্ক,10এপ্ৰিলঃ ভাৰতৰ পুৰুষ ফুটবল দলে জুন মাহত থাইলেণ্ডত কিংছ্ কাপ নামৰ এখন নিমন্ত্ৰণীমূলক টুৰ্ণামেন্টত অংশগ্ৰহণ কৰিব ৷ কিংছ্ কাপ হৈছে থাইলেণ্ড ফুটবল পৰিষদৰ দ্বাৰা 1968 চনৰ পৰা আয়োজন কৰা আৰু ফিফাৰ দ্বাৰা স্বীকৃতি লাভ কৰা আন্তৰ্জাতিক "এ" গ্ৰেডৰ এখন টুৰ্ণামেন্ট ৷ টুৰ্ণামেন্টৰ আটাইকেইখন মেচ থাইলেণ্ডৰ বুৰিৰাম ফুটবল ষ্টেডিয়ামত অনুষ্ঠিত হ'ব ৷ ভাৰত আৰু থাইলেণ্ডৰ উপৰি ভিয়েটনাম আৰু কিউৰাচাওয়ে কিংছ্ কাপ টুৰ্ণামেন্টত অংশগ্ৰহণ কৰিব ৷
উল্লেখ্য যে, 2019 চনৰ এপ্ৰিল মাহত ঘোষিত ফিফা ৰেংকিঙ অনুসৰি ভাৰতৰ স্থান 101 সংখ্যক হোৱাৰ পৰিৱৰ্তে থাইলেণ্ডৰ 114, ভিয়েটনামৰ 98 আৰু কিউৰাচাওৰ 82 সংখ্যক ৷ ভাৰতে 1977 চনত শেষবাৰৰ বাবে এই প্ৰতিযোগিতাত অংশগ্ৰহণ কৰিছিল ৷ 2018 চনত শ্ল'ভাকিয়াই থাইলেণ্ডক 3-2 গ'লত পৰাস্ত কৰি এই কাপ দখল কৰিবলৈ সক্ষম হৈছিল ৷
