নিউজ ডেস্ক, 24 এপ্ৰিল: সোমবাৰে ৰাজীৱ গান্ধী আন্তঃৰাষ্ট্ৰীয় ষ্টেডিয়ামত অনুষ্ঠিত হোৱা ইণ্ডিয়ান প্ৰিমিয়াৰ লীগৰ (আই পি এল) মেচখনত ৱাশ্বিংটন সুন্দৰ আৰু ভুৱনেশ্বৰ কুমাৰৰ সুন্দৰ বলিঙৰ সহায়ত ছানৰাইজাৰ্ছ হায়দৰাবাদে দিল্লী কেপিটেলছক ১৪৪/৯ ৰাণত সীমাবদ্ধ কৰি ৰাখিবলৈ সক্ষম হয় । কিন্তু খেলখনত শেষত পৰাজয় বৰণ কৰিব লগীয়া হয় হায়দৰাবাদে (IPL 2023 Dc Vs SRH) ৷
প্ৰথমে বলিং কৰা হায়দৰাবাদৰ হৈ ৱাশ্বিংটন সুন্দৰে তিনিটা উইকেট দখল কৰাৰ বিপৰীতে ভুৱনেশ্বৰে দুটা উইকেট দখল কৰে । দিল্লীৰ হৈ মনীষ পাণ্ডে আৰু অক্ষৰ পেটেলে ৩৪ ৰানকৈ সংগ্ৰহ কৰে । প্ৰথমে অভিজ্ঞ পেচাৰ ভুৱনেশ্বৰ কুমাৰে প্ৰথম অভাৰত ফিলিপ ছল্টক আউট কৰি পেভিলিয়নলৈ পঠিয়াই । ইয়াৰ পাচত সোঁহতীয়া বেটছমেন মিচেল মাৰ্ছে বেটিং কৰিবলৈ আহি চাৰিটা বাউণ্ডেৰীৰ সহায়ত ১৯ ৰান সংগ্ৰহ কৰে (DC Vs SRH match result)।
ইয়াৰ পাচত টি নটৰাজনে পঞ্চম অভাৰত মাৰ্ছক ২৫ ৰান কৰি খেলি থকা অৱস্থাত আউট কৰে । ৱাশ্বিংটন সুন্দৰে দিল্লীৰ বিৰুদ্ধে বিধ্বংসী বলিং কৰে আৰু খেলখনৰ অষ্টম অভাৰত দিল্লীৰ তিনিজন বেটছমেনক পেভিলিয়নলৈ পঠিয়াই দিয়ে (IPL 2023 live score)।
সুন্দৰে প্ৰথমে ডিচিৰ অধিনায়ক ৱাৰ্নাৰক ২১ ৰানত আউট কৰে ৷ তাৰ পিচত ছৰফৰাজ খানক ১০ ৰান সংগ্ৰহ কৰাৰ পিচত পেভিলিয়নৰ বাট দেখুৱাই দিয়ে । অমন হাকিম খান সুন্দৰৰ তৃতীয় চিকাৰ আছিল ৷ হায়দৰাবাদৰ বলাৰগৰাকীয়ে এক আচৰিত ডেলিভাৰীৰে অমনৰ উইকেট দখল কৰে । সুন্দৰে একেটা অভাৰতে তিনিটা উইকেট দখল কৰে (IPL 2023 SRH Vs DC) ।
ইয়াৰ পাচতে অক্ষৰ পেটেলে বেটিং কৰিবলৈ আহে । সেই সময়ত দিল্লীৰ স্ক’ৰ আছিল ৬২/৫ । দিল্লীৰ হৈ মণীষ পাণ্ডে আৰু অক্ষৰ পেটেলে স্ক’ৰব’ৰ্ড আগুৱাই লৈ যায় । ইনিংছৰ ১৫ অভাৰত এই যুটিয়ে নিজৰ দলৰ মুঠ স্ক’ৰ ১০০ ৰানৰ অতিক্ৰম কৰায় ।
হাৰ্ড হিটিং যুটিটোৱে ১৬ নং অভাৰত ৫০ ৰানৰ অংশীদাৰিত্বৰ ষ্টেণ্ডও ক্ৰয় কৰে। তিনিটা বাউণ্ডেৰীৰ সহায়ত মায়ংক মাৰ্কাণ্ডেক ১৫ ৰান সংগ্ৰহ কৰে আক্সাৰে। ২০ অভাৰত মুঠ ১৪৪/৯ ৰান কৰিবলৈ সক্ষম হয় দিল্লীয়ে (SRH lost against Delhi) ।
145 ৰাণৰ লক্ষ্য আগত লৈ বেটিং কৰা হায়দৰাবাদৰ মায়াংক আগৰৱাল, হেইনৰিচ আৰু ৱাশ্বিংটন সুন্দৰৰ বাহিৰে বাকী খেলুৱৈৰ বেটিং প্ৰদৰ্শন আছিল হতাশজনক ৷ ফলত 137 ৰাণ হে কৰিবলৈ সক্ষম হয় দলটো ৷ মায়াংকে 49, হেইনৰিচে 31, সুন্দৰে 24 আৰু ৰাহুলে 15 ৰাণ কৰাৰ বাহিৰে বাকী 4 জন বেটচমেনে নিচেই কম ৰাণ কৰে ফলত 7 ৰাণ পৰাস্ত হয় হায়দৰাবাদ ৷ অৱশ্যে আজি দ্বিতীয়টো বিজয় সাব্যস্ত কৰিলেও এতিয়াও পইন্ট তালিকাৰ অন্তিম স্থানত আছে দিল্লী ৷
লগতে পঢ়ক- Virat Kohli 100 catches in IPL : ১০০ টা কেচ ধৰা RCBৰ একমাত্ৰ খেলুৱৈ বিৰাট কোহলী
