নিউজ ডেস্ক, 7 অক্টোবৰ : দুদান্ত বেটিং ফৰ্মত থকা কে এল ৰাহুলক ৰখাব নোৱাৰিলে চেন্নাই চুপাৰ কিংছে ৷ বৃহস্পতিবাৰে অনুষ্ঠিত চেন্নাই চুপাৰ কিংছ বনাম পঞ্জাৱ কিংছৰ আইপিএল খেলখনত কে এল ৰাহুলৰ সৰ্বাধিক ৭৬ ৰানৰ অৱদানেৰে জয়ৰ সোৱাদ দিলে পঞ্জাৱ কিংছক ৷
খেলখনত পঞ্জাৱ কিংছে চেন্নাই চুপাৰ কিংছক ছয় উইকেটত পৰাস্ত কৰে ৷ চেন্নাই চুপাৰ কিংছে প্ৰথমে বেটিং কৰি 20 অভাৰত ১৩৪ ৰানৰ টাৰ্গেট বান্ধি দিয়ে পঞ্জাৱ কিংছক ৷ ফাফ ডু'প্লেচিছে চিএছকেৰ হৈ সৰ্বাধিক ৫৫ টা বলত ৭৬ ৰান সংগ্ৰহ কৰে ৷
আনহাতে, আৰ্শদীপ সিং আৰু ক্ৰিছ জৰ্ডানে পঞ্জাৱৰ হৈ বলিঙত ভাল প্ৰদৰ্শন কৰে ৷ খেলখনত দুটাকৈ উইকেট দখল কৰে আৰ্শদীপ সিং আৰু ক্ৰিছ জৰ্ডানে ৷
পঞ্জাৱ কিংছৰ হৈ বেটিঙত কে এল ৰাহুলে প্ৰথমৰ পৰাই আক্ৰমণাত্মক হৈ পৰে ৷ খেলখনত ৪২ টা বলত অপৰাজিত ৯৮ ৰান সংগ্ৰহ কৰে কে এল ৰাহুলে ৷ ৰাহুলৰ এনে আক্ৰমণাত্মক বেটিঙৰ বাবেই পঞ্জাৱ কিংছে সহজে চেন্নাই চুপাৰ কিংছৰ বিৰুদ্ধে জয় লাভ কৰে ৷
লগতে পঢ়ক: বিশ্বকাপৰ কোৱালিফায়াৰত অংশ ল'বলৈ মেছি সম্পূৰ্ণ সুস্থ নে ?
